Qazaqstandyqtar baspana alarda 40% deıin únemdeı alady - zertteý
ASTANA. QazAqparat - Qazaqstandyqtar úshin 2020 jyly paıdalanýǵa beriletin kópqabatty turǵyn úılerden páter alý Almatyda 42,3 protsentke, al Astanada - 16,3 protsentke tómen bolady, dep habarlaıdy QazAqparat ranking.kz saıtyna silteme jasap.
Zertteýde atalyp ótilgendeı, jańa salynǵan úılerge qaraǵanda, salynyp jatqan úılerdegi páterlerdiń qoljetimdiligi joǵary. Mysaly, Flatfy.kz onlaın-servısiniń deregine sáıkes, Almatyda 2020 jyly paıdalanýǵa beriletin páterdiń bir sharshy metriniń quny 2017 jylǵy páterden 42,3 protsentke arzan bolady. 2019 jyly qoldanysqa beriletin páterler 13,2 protsentke, al 2018 jyly - 11,2 protsentke arzan.
Astanada dál osylaı bolmaq. Munda 2017 jylǵy úıge qaraǵanda kelesi jyly salynyp bitetin úıden baspana alý 4,3 protsentke, al bir jyldan keıin salynatyn úıdiń baǵasy 16,3 protsentke tıimdirek bolady.
Bul rette, jańa salynǵan úılerde páter quny ósip jatyr: bir jylda 5,2 protsentke qymbattaǵan. Qazaqstan boıynsha jańa kóppáterli úıden baspana alý baǵasy orta eseppen bir sharshy metrge 263,1 myń teńgeni quraıdy.
Astanada sáýir aıynyń qorytyndysy boıynsha orta eseppen páterdiń bir sharshy metri 332,7 myń teńgege deıin joǵarylaǵan - bir jylda 5,7 protsentke ósken. Ońtústik astanada kerisinshe bir jylda 4,6 protsentke tómendep, bir sharshy metri 325,6 myń teńgeni quraǵan.
2018 jyldyń qańtar-sáýir aralyǵynda Qazaqstanda 72,9 myń satý-satyp alý mámilesi jasalǵan. Bul kórsetkish byltyrǵydan 4,5 protsentke kóp.
Foto: cont.ws
