Qazaqstandyqtar bankrottyq týraly zań jobasyn talqylap jatyr
NUR-SULTAN. QazAqparat – Ashyq normatıvtik-quqyqtyq aktiler portalynda «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» QR zańy jobasy qoǵam talqylaýyna tústi, dep habarlaıdy QazAqparat tilshisi.
QR Qarjy mınıstrliginiń málimetinshe, «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» QR Zańy jobasy, «Qazaqstan Respýblıkasynyń keıbir zańnamalyq aktilerine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» QR Zańy jobasy, «Qazaqstan Respýblıkasynyń Ákimshilik quqyq buzýshylyq týraly kodeksine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» QR Zańy jobasy, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» QR Zańy jobasy ázirlengen.
Bul zań jobalary ashyq normatıvtik-quqyqtyq aktiler portalyna 2 aqpan kúni ornalastyryldy. Jobalar 2022 jyldyń 23 aqpanyna deıin ashyq talqylanady.
Aıta keterligi, «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» zań jobasy el azamatynyń kredıtorlardyń talaptaryn tolyq kólemde qanaǵattandyrýǵa qabiletsiz bolǵan kezde týyndaıtyn qoǵamdyq qatynastardy retteıdi. Sondaı-aq azamattardyń tólem qabilettiligin qalpyna keltirý rásimin, sondaı-aq sottan tys jáne sot bankrottyq rásimin qoldanýy úshin negizderdi, olardy júrgizý tártibi men sharttaryn belgileıdi.
