Qazaqstandyqtar bank kartasy arqyly 35,3 trln teńgeniń operatsııasyn jasaǵan
NUR-SULTAN. QazAqparat – 2020 jyly bank kartasy arqyly jasalǵan aýdarymdardyń 81% ınternet tólemder men mobıldi bankıngke túsken, dep habarlaıdy QazAqparat.
Qarjy mınıstrliginiń málimetine súıensek, 2020 jyly bank kartochkalaryn paıdalanatyn qazaqstandyqtar 35,3 trln teńgeni quraıtyn 3 mıllıardqa jýyq qolma-qol aqshasyz operatsııa jasaǵan. Onyń 81% onlaın-tranzaktsııalarǵa tıesili bolǵan.
Ulttyq banktiń málimetine súıene otyryp taratqan málimettiń mánin Qarjy mınıstrligi bylaısha túsindiredi.
«Mundaı ósimniń negizgi sebebi – karantındik shekteýler. Qolma-qol aqshamen jasalmaıtyn tranzaktsııalardyń jalpy sanyndaǵy onlaın-tranzaktsııalardyń úlesi 2020 jyldyń sońynda 66% qurady. Al 2020 jyldyń basynda ol tek 46% bolǵan edi. 2020 jyldyń sońynda mobıldi jáne ınternet-bankıngti belsendi qoldanýshylar sany 82% kóbeıip, 14 mıllıondy qurady. Jalpy, bul qyzmetterdi qoldanýshylar sany bir jyl ishinde 46% ósti», - dep jazady mınıstrliktiń baspasóz qyzmeti.
