Qazaqstandyqtar balasynyń baýyryn aýystyrý úshin donor bolýdy suraǵan anaǵa habarlasyp jatyr
Ersultan Rýslan qazir Aqtóbe oblystyq balalar aýrýhanasynda em qabyldap jatyr. Ol únemi em alýy tıis. Baýyr tserrozy dertine shaldyqqan balanyń únemi dene qyzýy kóteriledi, ishi aýyrady. Buǵan deıin habarlaǵanymyzdaı, sábıdiń anasy Shynar Qoshtanbekova balasyna donor bolyp, baýyrynyń bir bóligin beretin adamdy izdeıtinin málimdedi. Sebebi, kishkentaı Ersultanǵa anasy men ákesiniń baýyry sáıkes kelmeı shyqty. Ári qan toby І top, teris rezýs bolýy tıis. Bul óte sırek kezdesedi.
«Qazaqstandyqtar jan-jaqtan habarlasyp, óz kómegin usynyp jatyr. Biraq balamnyń qan toby sırek kezdesedi. Jigitter de habarlasty. Olarǵa aldymen qan tobyn anyqtaýdy suraımyz, rezýs-faktory óte mańyzdy. Úlken úmit kútemiz. Habarlasyp, bizdiń jaǵdaıymyzdy suraıtyndar óte kóp», - dedi Shynar Qoshtanbekova.
Aıta keteıik, kishkentaı Ersultan Rýslan respýblıkalyq reestrge tirkelgen. Eger donor tabylsa, ota jasalady.