Qazaqstandyqtar balalaryna Ilıa jáne Zúlfııa dep at qoıýda
ASTANA. 24 tamyz. QazAqparat - Qazaqstandyqtar Londondaǵy Olımpıada kúnderinde balalaryna Ilıa jáne Zúlfııa esimderin jıirek qoıa bastady.
Bul týraly búgin Qazaqstan Respýblıkasynyń Ádilet mınıstrliginiń Tirkeý jáne quqyqtyq kómek kórsetý qyzmeti komıtetine silteme jasap, «Kazahstanskaıa pravda» gazeti jazady.
Bıylǵy Olımpıadanyń bastalýynan qazirgi ýaqytqa deıin 75 náreste Ilıa esimin aldy, ótken aıdyń osyndaı kezeńinde Ilıa esimi 31 balaǵa ǵana berildi. Bul esimniń tanymal bolýyn Olımpıadada altyn medal ıelenip, qossaıysta álemdik rekordqa qol jetkizgen aýyr atlet Ilıa Ilınniń tabystarymen baılanystyrýǵa bolady.
Jańa týǵan qyz balalar arasynda Zúlfııa esimi kósh bastap otyr - Olımpıada ýaqytynda 11 balaǵa bul esim berildi. Ótken aıda Zúlfııa dep bir qyz ǵana atanǵan edi. Esterińizge sala keteıik, qazaqstandyq Zúlfııa Chınshanlo da Londonda altyn medal ıelendi, ol veloshabandoz Aleksandr Vınokýrovtyń jeńisinen keıin ekinshi altyn boldy. Qosyp óteıik, ata-analardyń eshqaısysy balasyna Olımpıada nemese London esimin bergen emes.
