Qazaqstandyqtar Azııalyq jazǵy sýrdolımpıada oıyndarynda 1 altyn, 1 kúmis, 7 qola medal ıelendi
ALMATY. 4 maýsym. QazAqparat - Keshe Ońtústik Koreıada qulaǵy múkis múgedekter arasynda VII Azııa-tynyq muhıt jazǵy oıyndary aıaqtaldy.
Shtattyq ulttyq komandalar jáne sport rezervi dırektsııasynyń baspasóz qyzmetiniń habarlaýynsha, qazaqstandyqtar onda 25 eldiń ishinen jalpy komandalyq esepte 9-oryn alǵan. Bul baıraqty básekede olar fýtbol, fýtzal, júzý, badmınton, ústel tennısi, taekvondo jáne jeńil atletıka sııaqty sporttyń 7 túrinen óner kórsetken bolatyn. Onda jeńil atletter el qorjynyna túsken 9 medaldiń 8-in saldy. Atap aıtqanda almatylyq Rústem Abakanov úsh qarǵyp sekirýden altyn, bıiktikke sekirýden kúmis, Anastasııa Lomanova 400 metrge júgirýden qola júlde ıelendi. Aqmolalyq Erjan Asylbek 1500 jáne 10 myń metrge júgirýden 2 márte, al Elena Pýtıntseva uzyndyqqa sekirýde úzdik úshtiktiń qatarynan kórindi. Áıelder komandasy 4h100 jáne 4h400 metrlik estafetada qola júldeger atandy. Sporttyń ózge túrlerinen tek taekvondodan pavlodarlyq Sánııa Dosymhanova ǵana úzdik úshtiktiń qatarynan kórindi.
