Qazaqstandyqtar Azııa paraoıyndarynda júldeler sanyn eseleı tústi
ASTANA. QazAqparat - Búgin Ońtústik Koreıanyń Inchhon qalasynda 17-shi Azııa paraoıyndarynyń jabylýy ótedi. Elimizdiń paralımpıadashylar quramasy músheleriniń biri, tirek-qımyl apparaty buzylǵan adamdar sanatyna jatatyn astanalyq sportshy Mıhaıl Eremenkonyń habarlaýynsha, tórt kúnniń qorytyndysy boıynsha otandyq komanda onynshy orynǵa turaqtaǵan.
Múmkindigi shekteýli sportshylar 6 altyn, 6 kúmis jáne 8 qola medalǵa qol jetkizdi. Bul Gýanchjoýda ótken Azııa oıyndaryna qaraǵanda júldelerdiń jalpy sanyn boıynsha úsh esege artyq. Bıylǵy jarys qazaqstandyq júzýshiler úshin tabysty boldy. Ókinishke oraı, sportshylar qalǵan segiz sport túrinen (sadaq atý, atletıka, dzıýdo, paýerlıftıng, oq atý, ústel tennısi, otyryp voleıbol oınaý, arbamen bıleý) ózderiniń básekelesterinen oza almady. Aıta keteıik, Qazaqstannyń qurama komandasynyń sapynda 84 múmkindigi shekteýli sportshy, onyń ishinde 11 astanalyqtar, Azııa paraoıyndaryna attandy. Sonyń ishinde tirek-qımyl apparaty buzylǵan paralımpıadashylar, kózi nashar kóretinder men zaǵıp jandar bar.
