Qazaqstandyqtar Azııa chempıonatyndaǵy ekinshi oıynyn taılandtyq voleıbolshylarmen ótkizedi
ALMATY. 22 qyrkúıek. QazAqparat /Erlik Erejanuly/ - Irannyń Tegeran qalasynda voleıboldan erler komandalary arasynda ótip jatqan XVI Azıı chempıonatynda Gennadıı Parshın jattyqtyratyn ulttyq qurama búgin keshke toptyq kezeńdegi ekinshi oıynyn Taıland sportshylarymen ótkizedi.
Bul dúbirli dodada «S» tobynda óner kórsetip jatqan qazaqstandyqtar keshe alǵashqy kezdesýde Pákistan quramasyna 3:2 (22-25, 25-21, 25-21, 20-25, 15-11) esebimen ese jiberip alǵan bolatyn. Taıland sportshylary keshe ótken jylǵy Azııa chempıony sanalatyn Japonııa voleıbolshylaryna 0:3 esebimen oısyraı utylǵan bolatyn.
Jalpy Azııa konfederatsııasynyń úzdik 16 komandasy qatysyp jatqan bul baıraqty básekede Azııa chempıonatynyń medalderi men Japonııada bolatyn Álem kýbogynyń joldamasy sarapqa salynady. Alǵashqy kezeń oınydary erteń aıaqtalady. Onda óz tobynda 1-2 oryn alǵan komandalar 1-8 orynǵa, al ózgeleri 9-16 orynǵa talasatyn bolady. 21 qyrkúıekte jalaýy kóterilgen bul básekeniń jartylaı jáne aqtyq syndary 28-29 qyrkúıek kúnderi bolady.
