Qazaqstandyqtar aıdyń erekshe qubylysyn tamashalaı alady
MÁSKEÝ. QazAqparat - Búgin erekshe astronomııalyq qubylys baıqalady, dep habarlaıdy QazAqparat tilshisi.
Aı tutylý kezinde perıgeı núktesine jaqyn bolady. Aıdyń kórinetin dıametri shamamen 8%-ǵa artady, al jer serigi qyzǵylt túske boıalady, dep jazady Máskeý planetarıı saıty.
31 qańtarda Astana ýaqytymen saǵat 15:48-den 21:11-ge deıin Aıdyń tutastaı tutylýy Reseıde baıqalady. Sondaı-aq, bul qubylys Shyǵys Eýropada, Shyǵys Afrıkada, Azııada, Aýstralııada, Tynyq muhıty men Soltústik Amerıkada kórinedi. Aı orbıtadaǵy qozǵalysy kezinde Jerdiń ońtústik bóligindegi kóleńkesine tuspa-tus keledi. Jerdiń kóleńkesi Aıdyń kórinetin betin tolyǵymen torlap, ony qyzǵylt túske boıaıdy.
Aıdyń erekshe qubylysyn Qazaqstanda da baıqaýǵa bolady, dedi bizdiń agenttikke qazaqstandyq astrofızık Vıktor Teıfel.
«Aıdyń erekshe qubylysyn jergilikti ýaqytpen saǵat 20.08-den bastap tamashalaýǵa bolady. Ol bir saǵatqa, ıaǵnı 21.11-ge deıin jalǵasady», - dedi astrofızık. 
Aıdyń kelesi tutylýy 2018 jyldyń 27 shildesinde bolady. Tabıǵattyń bul qubylysy da Reseı men TMD-da jaqsy kórinedi.
