Qazaqstandyqtar avtonesıe ótinimderin qaraý merziminiń uzaqtyǵyna shaǵymdanýda
ASTANA. QazAqparat - Sońǵy ýaqytta el azamattary tarapynan QR Investıtsııalar jáne damý mınıstrligine avtonesıeleý ótinimderin qaraý merziminiń uzaqtyǵyna qatysty shaǵym jıilep ketti. Bul týraly búgin halyqpen eseptik kezdesýi barysynda saýalǵa jaýap bergen QR Investıtsııalar jáne damý mınıstri Jeńis Qasymbek málim etti.
«Shyndyǵynda reglamentke, bekitilgen erejege sáıkes bul protsedýra barynsha qysqa bolýy tıis. Merzimi tym qysqa anyqtalǵan. ne bári 2 kún ǵana. Sońǵy ýaqytta bizge shaǵymdar túse bastady. Rasynda da bank fılıaldary ótinimderdi jınaıdy. Buǵan qosa, bul ótinimder barynsha jyldam rásimdelip, bas bankke tólem protsedýrasyn bastaý úshin beriledi. Al bas bankte odan ary bergenniń ornyna bul ótinimderdi 2-3 apta boıy jınaıdy eken. biz bul máselemen aınalysyp jatyrmyz», - dedi mınıstr.
Osy rette J.Qasymbek bul máselemen tikeleı aınalysatyn orynbasary A.Raýǵa naqty tapsyrmalar berdi.
