Qazaqstandyqtar avtomobıline VIP-nómir alarda áripterdi tańdaý múmkindigine ıe boldy
ASTANA. QazAqparat - Qazaqstanda 27 qarashadan bastap kólik quraldarynyń ıeleri joǵary suranysqa ıe memlekettik tirkeý nómiri belgisin (MTNB) satyp alatyn kezde óz qalaýy boıynsha áriptik kombınatsııany da tańdaı alady, dep habarlaıdy «QazAqparat» HAA tilshisi QR Іshki ister mınıstrliginiń Ákimshilik polıtsııa komıtetine silteme jasap.
Qazaqstanda ІІM-niń 2014 jylǵy 2 jeltoqsandaǵy №862 buıryǵymen bekitilgen Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qaǵıdalary ózgertýler men tolyqtyrýlar engizildi. Bul ózgerister 2017 jylǵy 27 qarashadan bastap zańdy kúshine enedi.
Atap aıtqanda, kólik quralynyń ıesine belgili tsıfrlyq belgidegi joǵary suranysqa ıe memlekettik tirkeý nómiri belgisin alý kezinde ondaǵy áriptik kombınatsııany óz qalaýy boıynsha tańdap alý quqyǵy beriledi. Jańa ereje tsıfrlyq belgidegi MTNB-niń myna túrlerine júredi: 001, 002, 003, 004, 005, 006, 007, 008, 009,100,111, 200, 222, 300, 333, 400, 444, 500, 555, 600, 666, 700, 777, 800, 888, 900, 999.
Bul ereje úsh birdeı áripten turatyn kombınatsııalarǵa qatysty emes, óıtkeni olarǵa 2018 jylǵy 1 qańtardan bastap joǵary memlekettik baj salynady.
Qazaqstan aýmaǵynda bastapqy tirkeý kezinde kólik quralyn óndirýshiniń resmı dılerinen (ókili) alǵan jaǵdaıda kólik quralyn tekserýge usyný boıynsha mindetti talaptar qoıylmaıdy. Sondaı-aq, kólik quralynyń ıesiniń tegi, aty jáne ákesiniń aty ózgergen jaǵdaılarda da kólik quralyn qaıta tekserýden ótkizý talap etilmeıdi.
