Qazaqstandyqtar avtokólikti júrgizýge arnalǵan senimhatty notarıattyq kepildendirýsiz jazatyn bolady
ASTANA. 3 qazan. QazAqparat - Qazaqstandyqtar avtokólikti júrgizýge arnalǵan senimhatty notarıattyq kepildendirýsiz jaza alatyn boldy.
Bul týraly búgin ІІM-degi brıfıngte QR ІІM Jol polıtsııasy komıteti tóraǵasynyń orynbasary Marat Jumaǵulov málim etti.
Onyń aıtýynsha, budan bylaı avtokólik ıesi ózi senetin adamǵa kóligin júrgizýge berý úshin senimhatty óz qolymen jazyp, 10 kún ishinde Jol polıtsııasy basqarmasyna aparyp, tirkeı alady. Senimhatqa kólik ıesi men senimhat beriletin adamnyń jeke kýálikteriniń nómirleri, turǵylyqty jerleri sııaqty málimetteri tolyq jazylýy tıis.
«Búgin komıtet jergilikti jerlerdegi jol polıtsııasy bólimderine azamattardan notarıýstyq kýálandyrýsyz jazylǵan senimhattardy tirkeýge nusqaýlyq berdi», - dep atap ótti M. Jumaǵulov.
Qazirde kólikti senimhat arqyly júrgizip júrgen tulǵalardy tirkeý bazasyna tirkelgen adamdardyń sany 2,5 mln.-ǵa jetken. Senimhat negizinde kólik quralyn basqaratyn adamdardy tirkeý jáne esepke alý tártibi ІІM-niń 2005 jylǵy 23 tamyzdaǵy №504 buıryǵymen bekitilgen tıisti Qaǵıdalar boıynsha retteledi.
«Bul fýnktsııa qylmysqa qarsy kúrespen, urlanǵan avtokólikti jáne qylmyskerlerdi izdestirýmen, jedel-izdestirý qyzmetimen tikeleı baılanysty», - deıdi komıtet tóraǵasynyń orynbasary.
