Qazaqstandyqtar aýyr atletıkadan Azııa chempıonatynda bir kúmis, bir qola aldy

ASTANA. QazAqparat - Ońtústik Koreıanyń Chındjý qalasynda ótip jatqan aýyr atletıkadan Azııa chempıonatynda el quramasy qorjynyna taǵy bir kúmis, bir qola medal tústi, dep habarlaıdy QazAqparat tilshisi.

Qurlyqtyq dodada 109 keli salmaqta Artem Antropov pen Andas Samarqanov jarys jolyna shyqty. Jarys barysynda Artem kúmis, Andas qola júlde aldy.

Artem Antropov 2000 jyldyń 23 qańtarynda dúnıege kelgen.

Buǵan deıin eresekter arasynda 2020, 2022 jyldarda Azııa chempıony atansa, 2017 jyly jastar arasynda álem chempıony boldy.

Al Andas Samarqanov eresekter arasyndaǵy básekege tuńǵysh márte qatysyp otyr.

Eske salsaq, budan buryn qazaqstandyq Nurǵısa Ádiletuly Azııa chempıony atandy.

Sondaı-aq, el quramasynan Azııa chempıonatynda Arlı Chonteı ( 55 kg) men Alekseı Chýrkın (73 keli) qola júldeger boldy.

Artem Antropov qossaıys boıynsha jalpy esepte ekinshi boldy. Onyń nátıjesi - 399 (172+227) keli.

Úzdik úshtikti 390 (169+221) keli kórsetkishpen Andas Samarqanov túıindedi.

Endi el quramasynan 13 mamyrda Aısamal Sansyzbaeva men Lıýbov Kovalchýk (87 keliden joǵary) jarys jolyna shyǵady.