Qazaqstandyqtar áýe bıletterin ótkizý boıynsha qaıda júgine alady

NUR-SULTAN. QazAqparat – Qazaqstandyqtar koronavırýs anyqtalǵan elderge satyp alǵan áýe bıletterin qaıtarý boıynsha jedel jelige habarlasa alady, dep habarlaıdy QazAqparat Indýstrııa jáne ınfraqurylymdyq damý mınıstrliginiń Kólik komıtetine silteme jasap.

«3 naýryzdan bastap «Qazaqstannyń avıatsııalyq ákimshiligi« AQ bazasynda koronavırýsqa qatysty jaǵdaıdy baqylaýǵa baǵyttalǵan Ahýaldyq ortalyq josparly túrde jumys isteı bastady. Ortalyqta Qazaqstanǵa turaqty jáne turaqty emes áýe qatynastary bar elderde ınfektsııa juqtyrǵan adamdardyń statıstıkasyna baqylaý júrgiziledi. Sondaı-aq jolaýshylar áýe bıletterdi qaıtarý máselesi boıynsha keńes alý úshin «Qazaqstannyń avıatsııalyq ákimshiligi« AQ-nyń 8 (7172) 64 58 41 nómiri boıynsha jedel jeli telefonyna habarlasa alady. Jumys kúnderi (5/2) saǵat 9.00-dan 18.00-ge deıin qyzmet etedi». – delingen taratylǵan málimette.