Qazaqstandyqtar aýa raıy boljamyn vıdeo arqyly bilip otyrady
NUR-SULTAN. QazAqparat - 1 shildeden bastap «Qazgıdromet» RMK Qazaqstan boıynsha aýa raıy boljamyn usynýdyń jańa formatyna ótedi. Bul rette Qazaqstan boıynsha aldaǵy úsh táýlikke arnalǵan aýa raıy boljamy kún saıyn vıdeo, aýdıo túrinde jańa formatta berilmek, dep habarlaıdy QazAqparat.
Qazaqstan boıynsha aldaǵy úsh táýlikke arnalǵan aýa raıy boljamynyń jańa formattanyń uzaqtyǵy - 1 mın.
«Onda ǵaryshtan sýretter jáne aýa raıyn boljaýdyń tsıfrlyq ádisteri paıdalanylady. Boljam memlekettik jáne orys tilderinde «Qazgıdromettiń» resmı saıtynda jáne áleýmettik jelilerdegi paraqshalary - Instagram, VKontakte, Facebook-ke salynyp otyrady. Aldaǵy úsh kúnge arnalǵan kúndelikti boljam saǵat 19.00-ge deıin shyǵady» delingen habarlamada.
Jańa formattyń maqsaty - halyqty erteń qandaı aýa raıy kútip turǵany jaıly aqparattandyrý, jyly kıiný kerek pe, álde qolshatyr alý kerek pe, nemese ystyq aýa raıyna daıyndalý qajet pe - sol jaıynda aqparat berip otyrý.
Sondaı-aq, «Qazgıdromet» sınoptıkteri Qazaqstan turǵyndarynyń qaýipsizdigi úshin vıdeo, aýdıo arqyly qaýipti tabıǵı qubylystar týraly (nóser jaýyn, kúshti jel, naızaǵaı, daýyl, burqasyn, shańdy daýyl, úsik, tuman, burshaq, temperatýranyń kúrt tómendeýi/kóterilýi) aqparattandyratyn bolady.
