Qazaqstandyqtar aspırantýraǵa FAO-Vengrııa stıpendııasy baǵdarlamasymen túse alady

ASTANA. QazAqparat - FAO-Vengrııa stıpendııasy baǵdarlamasynyń aıasynda aýylsharýashylyq ǵylymdary jáne olarmen sabaqtas pánder boıynsha aspırantýrada bilim alýǵa ótinimder qabyldaý ashyldy.

2008 jyldan bastap, Birikken Ulttardyń Azyq-túlik jáne aýylsharýashylyq uıymy men Vengrııanyń Aýyl sharýashylyǵy mınıstrligi biregeı múmkindikti usynyp otyr. Onyń arqasynda magıstratýrany támamdaǵan 30-ǵa jýyq túlek Vengrııa ýnıversıtetterinde bilim alyp, kásibı biliktiligin arttyra alady.

2016-2017 akademııalyq jyly aǵylshyntildi kýrstar kelesi pánder: aýylsharýashylyq ǵylymdary, aýylsharýashylyq bıotehnologııalary, baqshashylyq, janýarlar úshin azyq pen onyń qaýipsizdigi boıynsha daıarlaýdy qarastyryp otyr.

FAO-nyń Eýropa men Ortalyq Azııa úshin Aımaqtyq bólimi baspasóz qyzmetiniń habarlaýynsha, baǵdarlamany kelesi elder: Aýǵanstan, Albanııa, Aljır, Angola, Ázerbaıjan, Armenııa, Belarýs, Bosnııa men Gertsegovına, Býrkına-Faso, Chad, Mysyr, Efıopııa, Gambııa, Grýzııa, Gana, Iordanııa, Qazaqstan, Kenııa, Kosovo, Qyrǵyzstan, Laos, Makedonııa, Madagaskar, Malı, Mıanma, Moldova, Mońǵolııa, Chernogorııa, Namıbııa, Nıgerııa, Soltústik Koreıa, Fılıppın, Serbııa, Somalı, Ońtústik-Sýdan, Sýdan, Tájikstan, Túrkimenstan, Ýganda, Ýkraına, Ózbekstan, Vetnam, Iemen ókilderi paıdalana alady.

Ótinimderdi 2016 jyldyń 28 aqpanyna deıin elektrondyq úlgide usyný kerek.