Qazaqstandyqtar Armenııada ótken «Dostastyq sarbazy» halyqaralyq konkýrsynda birinshi oryn aldy
«Dostastyq jaýyngeri» baıqaýyna Armenııa, Belarýs, Grekııa, Iran, Qazaqstan men Reseı Qarýly kúshterinń komandalary qatysty. Qatysýshy memleketterdiń komandalary «Atlet» oıyndarynda, «Kásipqoı» áskerı-arnaıy oıyndarda, «Snaıper» atys daıarlyǵynda, «Otaǵasy men báıbishe» ádebı-kórkem jáne án-bı baıqaýynda, sondaı-aq, «Bilimdar» áskerı tarıhtan bilimderin anyqtaý baıqaýynda kósh bastady.
Saıys qorytyndylary boıynsha, Qazaqstannyń Qarýly kúshteri komandalyq esepte jeńiske jetti. Ekinshi orynǵa Belarýls, úshinshi orynǵa Armenııanyń Qarýly kúshteri jaıǵasty.
«Maǵan sizderdiń komandalaryńyzdy marapattap turǵanym qos qýanysh ákeledi, sebebi meniń týǵan jerim - Qazaqstan», - dedi Armenııanyń Qorǵanys mınıstri Davıd Tonoıan.
«Dostastyq Jaýyngeri» qurmetti ataǵyna Qazaqstan Qarýly kúshteri komandasynyń qatysýshysy Seıitkárim Nurseıitqoja ıe boldy. Jeńimpaz barlyq saıystar boıynsha eń kóp upaı jınaǵan. Ekinshi oryndy Qazaqstan Qarýly kúshteri komandasynyń qatysýshysy kishi serjant Ertilek Baıbolatov jeńip aldy. Armenııa Qarýly kúshteri komandasynyń qatysýshysy Aık Akobıan úzdikter úshtigin túıindedi.
Áıelder arasynda Armenııa Qorǵanys mınıstrliginiń V. Sarkısıan atyndaǵy áskerı ýchılışesiniń kýrsanty Armenı Grıgorıan úzdik atandy. Ekinshi oryndy QR Qarýly kúshteriniń serjanty Janargúl Aqbalanova jeńip aldy. Úshinshi oryndy Reseı ókili, serjan Lılııa Daýtova qanaǵat tutty.
QR Qarýly Kúshteriniń ókili Ertilek Bekbolatov «Atlet» baıqaýynyń jeńimpazy atansa, Ashad Baıdáýletov «Snaıper» baıqaýynda jeńip shyqty. Seıitkárim Nurseıitqoja «Otaǵasy» kezeńinde kósh bastady. Janargúl Aqbalanova men Seıitkárim Nurseıitqoja «Kásipqoı» kezeńiniń jeńimpazdary atandy.
