Qazaqstandyqtar arasynda vaktsına týraly jıi talqylanatyn jalǵan nanymdar qandaı
NUR-SULTAN. QazAqparat – «KAMEDA» qoǵamdyq qorynyń dırektory Mahabbat Espenova qazaqstandyqtar arasynda vaktsınatsııa týraly jıi qoıylatyn suraqtardy atady, dep habarlaıdy QazAqparat tilshisi.
«Birinshiden, vaktsına eski koronavırýs shtamynda synalǵan jáne mýtatsııaǵa ushyraǵan vırýsqa qaýqarsyz degendi jıi estımiz. Ekinshisi «Qazir vaktsına alatyn bolsaq, úsh-tórt jyldan keıin, tipti keleshekte qandaı áseri bolatynyn bilmeımiz ǵoı» degenge saıady. Keıingi kezde «vaktsınanyń ornyna jaı suıyq egilip jatqan joq pa» dep suraıtyndar kóbeıdi. «Naǵyz vaktsınany satyp, bizge túsiniksiz zat salyp jatyr eken» dep suraýshylar kóp», - dedi Mahabbat Espenova elorda ákimdigi uıymdastyrǵan dóńgelek ústel barysynda.
Qor dırektory mundaı kúmándi pikirlerdiń bári mamandardyń talqysyna salynyp, joqqa shyǵarylǵanyn aıtady.
Osy sharada elorda ákiminiń orynbasary Baqtııar Máken qala turǵyndarynyń vaktsınaǵa degen senimi artyp kele jatqanyn aıtqan bolatyn.
