Qazaqstandyqtar arasynda fotokonkýrs jarııalandy
ASTANA. QazAqparat - QR Tuńǵysh Prezıdenti - Elbasynyń qory «Asyl mura» fotokonkýrsyn ótkizýde. Oǵan 18 ben 35 jas aralyǵyndaǵy kez kelgen qazaqstandyqtar qatysa alady, dep habarlaıdy QazAqparat.
Konkýrstyń maqsaty - patrıotızmdi nyǵaıtý, Qazaqstannyń jańa kórkem beınelerin, onyń tulǵalaryn jáne elordanyń kórikti jerlerin qalyptastyrýǵa yqpal etý.
Baıqaý taqyryptary: «Sáýlet», «Qazaqstan halqynyń mádenıeti men dástúrleri», «Astananyń 20 jyldyǵy», «Kúndelikti ómirdegi oqıǵalar» jáne «Tulǵalar». Oǵan 18 ben 35 jas aralyǵyndaǵy qazaqstandyqtar qatysa alady.
QR Tuńǵysh Prezıdenti-Elbasy qorynyń baspasóz qyzmetinen málim etkendeı, fotojumystar konkýrstyń taqyrybyna sáıkes kelýi tıis. Bir qatysýshy úshten artyq emes fotosýret jibere alady. Árbir avtor eki nomınatsııaǵa qatysýǵa quqyly.
Fotosýretter bıylǵy 30 qyrkúıekke deıin qabyldanady. Qorytyndysy ústimizdegi jylǵy qazan aıynyń basynda anyqtalady. Jeńimpazǵa «Asyl mura» konkýrsynyń laýreaty ataǵy jáne 350 myń teńge aqshalaı syılyq beriledi.
Qazylar alqasynyń quramynda belgili jáne bedeldi fotosýretshiler, jýrnalıster, sondaı-aq konkýrs quryltaıshysynyń ókilderi men seriktesteri bar.
Tolyǵyraq maǵlumatty www.fpp.kz saıtynyń «Baıqaýlar» bóliminen tabýǵa bolady.
