Qazaqstandyqtar Almaty áýejaıyna gúl shoqtaryn ákelip jatyr
ALMATY. QazAqparat – Qazaqstandyqtar ushaq apatynan qaza tapqandardy eske alyp, Almaty áýejaıynyń kire berisine gúl shoqtaryn qoıyp jatyr, dep habarlaıdy QazAqparat tilshisi.
«Almatylyqtar ushaq apatynan qaza tapqan jolaýshylardy eske alyp gúl shoqtaryn ákelip qoıyp jatyr. Olar bul qaza barsha qazaqstandyqtardyń qabyrǵasyn qaıystyrǵanyn aıtty»,- dep habarlaıdy Almaty halyqaralyq áýejaıynyń baspasóz qyzmeti.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
