Qazaqstandyqtar alǵash ret memqyzmetke proaktıvti tásilmen qol jetkizdi
Endi aqparattyq júıelerdiń birigýiniń arqasynda jańa týǵan azamatty tirkeý boıynsha ótinish avtomatty túrde keletin bolady. Bala ómirge kelisimen onyń ata-anasyna SMS-habarlama arqyly quttyqtaý kelip, sábıdi tirkeý boıynsha memlekettik qyzmetti alý usynysy jasalady.
Elektrondyq úkimet portaly barlyq málimetterdi túrli memlekettik organdardyń aqparattyq júıelerinen jınap, al ózge derekterdi SMS habarlama arqyly ata-anadan suraıdy.
«Qazirgi tańda bala týǵannan keıin ata-analar balany tirkeý, kýálik alý, járdemaqy taǵaıyndaý jáne balabaqshaǵa kezekke qoıý úshin halyqqa qyzmet kórsetý ortalyqtaryna barýy tıis. Búginnen bastap proaktıvti qaǵıdattyń iske qosylýyna baılanysty endi front-ofısterge barýdyń, tipti elektrondyq úkimet portalyna júginýdiń de qajeti joq. Barlyq qajetti qyzmetterdi ol SMS-habarlama arqyly ala alady. Biraq SMS-habarlama alý úshin azamattar kez kelgen HQKO-ǵa baryp, ózderiniń telefon nómirlerin portaldaǵy jeke kabınetterinde bekitýi tıis»,- deıdi «Azamattarǵa arnalǵan úkimettiń» Qoǵammen baılanys departamentiniń dırektory Murat Jumanbaı.
Balany tirkeý, járdemaqyny rásimdeý jáne balabaqshaǵa kezekke qoıý qyzmetterin HQKO-dan da alýǵa bolady. «Bala týý» kompozıttik qyzmeti proaktıvti tásilmen usynylady. ıAǵnı telefon arqyly shot nómirin jiberip, járdemaqylardy da rásimdeýge jáne balabaqshaǵa kezekke qoıýǵa bolady. Al halyqqa yzmet kórsetý ortalyǵyna balanyń kýáligin alyp ketý úshin ǵana kelý kerek nemese úıge jetkizý qyzmetin paıdalanýǵa bolady.
Eske sala keteıik, «Azamattarǵa arnalǵan úkimet» memlekettik qyzmet kóretýdi proaktıvti tásilge kóshirý úrdisin QR Premer-Mınıstri Baqytjan Saǵyntaevtyń tapsyrýmen qolǵa alǵan bolatyn.
Aıta ketken jón, osy ýaqytta Qazaqstan boıynsha bala týǵan 192 anaǵa memlekettik qyzmetti alý usynysymen sms habarlamasy jiberildi.
