Qazaqstandyqtar áleýmettik jobalar týraly óz usynysyn aıta alady

NUR-SULTAN. QazAqparat – «Azamattyq bastamalardy qoldaý ortalyǵy» kommertsııalyq emes aktsıonerlik qoǵamy Aqparat jáne qoǵamdyq damý mınıstrligimen birlesip 2023 jyly iske asyrylýǵa tıis áleýmettik jobalardy jınamaqshy. Usynystar 1 tamyzǵa deıin joldanýy kerek, dep habarlaıdy QazAqparat tilshisi.

«Usynystardyń bári ókiletti organǵa joldanyp, qaralady. Sol jerden jobaǵa qatysy bar memlekettik organǵa nemese jergilikti atqarýshy organǵa taldaý júrgizý úshin, iske asyrý múmkindikterin qaraý úshin jiberiledi. Ol úshin jobalar memlekettik saıasattyń basym baǵyttaryna, zańnamasy men tıisti organdardyń talaptaryna sáıkes bolýy shart», - dep jazylǵan ortalyqtyń resmı saıtynda.

Ortalyq mamandary qabyldanǵan jobalardyń taqyryby, maqsat-mindeti, kútetin nátıjesi men qarjylandyrý kólemi, iske asyrý merzimi men qamtý aýmaǵy ózgeriske ushyraýy múmkin ekenin eskertip otyr.

«ıAǵnı, joldanǵan usynystardyń bári mindetti túrde iske asady degen kepildik joq. Sondaı-aq jobany qaraý qorytyndysy týraly keri baılanys bolmaýy da múmkin. Joldanǵan usynystar memlekettik organdardyń olardy iske asyrý múmkindigin qarap, taldaý úshin ǵana qoldanylady», - dep jazylǵan saıttaǵy málimette.