Qazaqstandyqtar áleýmettik bastamalaryn onlaın rejimde usyna alady
«Biz búgin «Rýhanı jańǵyrý» baǵdarlamasynyń «Týǵan jer» baǵyty boıynsha «Atameken» kishi baǵdarlamasyn júzege asyrýdamyz. Kishi baǵdarlama óziniń týǵan aýylynyń, qalasynyń kókeıkesti máselelerin sheshýge azamattardyń kúshin biriktirýge jáne belsendi aralasýǵa tartýǵa baǵyttalǵan. Onyń aıasynda eki bazalyq baǵyt bar. Birinshisi «Áleýmettik bastamalar kartasy», al ekinshisi «Jomart júrek» dep atalady. Bazalyq baǵyttar boıynsha 6 respýblıkalyq jáne ázirshe 212 óńirlik kishi baǵdarlama kózdelgen», - dedi ol.
Vıtse-mınıstrdiń atap ótýinshe, aǵymdaǵy jyldyń qyrkúıek aıynda testik rejimde ınteraktıvtik platforma jolǵa qoıylǵan. 2018 jyldan bastap azamattar osy kartaǵa ózderiniń usynystaryn onlaın rejimde engizýge múmkindik alady.
«Atameken» baǵdarlamasy negizinde azamattardyń jergilikti jerdegi áleýmettik máseleleriniń sheshilýin jandandyryp qana qoımaı, memlekettik saıasatqa senimi men ózara is-qımyl deńgeıin arttyrady dep úmittenemiz», - Abzal Núkenov.
Aıta keterligi, búgin QR Prezıdenti janyndaǵy Adam quqyqtary jónindegi komıssııanyń QR Din ister jáne azamattyq qoǵam mınıstrliginiń azamattardyń birlesý bostandyǵy konstıtýtsııalyq quqyqtaryn qamtamasyz etýdegi jáne azamattyq qoǵam ınstıtýttaryn damytýdaǵy qyzmetin talqylaýǵa arnalǵan keńeıtilgen otyrys ótti. Shara barysynda QR Prezıdenti janyndaǵy Adam quqyqtary jónindegi komıssııanyń tóraǵasy Qýanysh Sultanov komıssııa quramyndaǵy ózgeristerdi jarııa etti. Onyń atap ótýinshe, osy jyldyń mamyr aıynda Qazaqstan Respýblıkasy Konstıtýtsııalyq Keńesiniń múshesi qyzmetine taǵaıyndalǵan Iogan Merkel komıssııa quramynan shyǵaryldy. Onyń ornyna QR Bas prokýrorynyń orynbasary Andreı Lýkın keldi. Sonymen qatar Eýropalyq quqyq jáne adam quqyqtary jónindegi sarapshylyq ınstıtýttyń dırektory Marat Bashımov komıssııa múshesi boldy.
