Qazaqstandyqtar álemniń 29 eline tikeleı reıstermen usha alady
ASTANA. QazAqparat - Qazir qazaqstandyqtar álemniń 29 eline tikeleı reıstermen usha alady. Bul týraly QazAqparat IIDM silteme jasap habarlaıdy.
«Іshki áýe reısterdi aptasyna 687 reıs jıiligimen 57 baǵyt boıynsha 5 otandyq áýe kompanııa oryndaıdy. Osy jyly NEOS áýe kompanııasym Almaty – Mılan, «Eır Astana» kompanııasy Almaty – Iraklıon, Vietjet Air kompanııasy Almaty – Nha Trang, Jazeera Airways kompanııasy Túrkistan – Kýveıt, AnadoluJet kompanııasy Almaty – Ankara jáne Astana – Ankara jáne Pegasus Airlines kompanııasynyń Almaty – Ankara, Almatydan Sýrgýtqa, Tıýmenge jáne Novosıbırge, sondaı-aq Astanadan Sankt-Peterbýrgke jańa baǵyttary ashyldy. «Túrikmenhavaellary» kompanııasy Almatydan Ashhabadqa áýe reısterdi qalpyna keltirdi», - delingen habarlamada.
Sonymen qatar Aqtaý men Shymkentten Ankaraǵa, Almaty men Aqtaýdan Medınaǵa, Astanadan Nıachangqa 25 jeltoqsannan bastap, Astanadan Bakýge jáne Shymkentten Dýshanbege 2023 jylǵy kóktemgi-jazǵy navıgatsııa kezeńinde reıster ashylady dep kútilýde.
Sonymen qatar 26 jeltoqsannan bastap Qazaqstan men Seıshel araldary arasynda Almaty – Mae baǵyty boıynsha reıster ashylmaq. Sondaı-aq Astana, Almaty, Aqtaý, Túrkistan jáne Atyraýdan Ystambulǵa, Astana men Almatydan Antalıaǵa, Almatydan Baký, Tbılısı, Phýket jáne Malege reıster ulǵaıdy.
