Qazaqstandyqtar alaıaqtarǵa bıyl 15 mlrd teńgesin berip qoıǵan

ASTANA. QazAqparat – Bıylǵy 10 aıda qazaqstandyqtar ınternet-alaıaqtarǵa 15 mlrd teńge aqshasyn berip qoıǵan. Atalǵan derekti Іshki ister mınıstrligi Krımınaldyq polıtsııa departamenti kıberqylmysqa qarsy kúres ortalyǵynyń basshysy Jandos Súıinbaı aıtty, dep habarlaıdy QazAqparat tilshisi.

«Bıylǵy 10 aıda qazaqstandyqtar 15 mlrd teńgege ınternet-alaıaqtarǵa aldanyp otyr. Atalǵan jaıtqa qatysty ótken jyly Іshki ister mınıstrligine qarasty Almaty qalasyndaǵy akademııa janynan ortalyq ashtyq. Atalǵan ortalyqta ınternet-alaıaqtyq qylmysymen kúresetin mamandar daıarlanady. Ótken jyldan bastap osy baǵyttaǵy jumys júrip jatyr. Mamandardy daıarlap jatyrmyz», - dedi Jandos Súıinbaı Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq ІІM ókiliniń aıtýynsha, elimizdiń ár óńirinde ınternet-alaıaqtyqqa qarsy bólim jumys isteıdi. Degenmen mınıstrlik ókili naqty óńirler boıynsha qansha mamannyń baryn aıta almady.

Onyń sózinshe, atalǵan baǵyttaǵy jumys turaqty júrip jatyr.

Buǵan deıin Іshki ister mınıstrliginiń ókili túrmede otyryp qońyraý shalatyn alaıaqtardyń baryn rastaǵan edi.