Qazaqstandyqtar «ádemi» nómirlerge qansha qarajat jumsady
Jarty jyl ishinde «Azamattarǵa arnalǵan úkimet» memlekettik korporatsııasynyń mamandandyrylǵan Halyqqa qyzmet kórsetý ortalyqtary arqyly 1 913 267 539 teńge kóleminde joǵary suranystaǵy 7 775 memlekettik tirkeý nómiri jasalǵan. Bul jóninde óziniń Facebook paraqshasynda «Azamattarǵa arnalǵan úkimet» memlekettik korporatsııasynyń Qoǵammen baılanys departamentiniń dırektory Murat Jumanbaı jazdy.
Ol ótken jyldyń uqsas merzimimen salystyrǵanda bul kórsetkish 3 ese kóp ekenin erekshe atap ketti.
«Osylaısha, 2017 jyldyń 6 aıynda azamattar kórikti 1574 nómir úshin 587 406 055 teńge tólegen», - dep statıstıkadan málimet keltirdi M. Jumanbaı.
Onyń aıtýynsha, mundaı nómirlik belgiler ásirese Astana (1762), Almaty (3232), Túrkistan (580), Jambyl (457), Qostanaı (376) oblystarynda kóp berilgen.
