Qazaqstandyqtar Á.Amanqul, B.Ábdirahmanov jáne V.Levıt Azııanyń úzdik boksshylary atandy (FOTO)
ASTANA. QazAqparat - Azııalyq boks konfederatsııasy jyldyń úzdik boksshylaryn anyqtady.
«Azııanyń úzdik jas boksshysy» Qazaqstannyń jastar quramasynda 75 kelige deıingi salmaq dárejesinde óner kórsetetin jambyldyq Ábilhan Amanqul atandy. Onyń áriptesi Berik Ábdirahmanov (60 kg) ARV jobasyna qatysatyn bokshylardyń arasynda «Kontınenttegi úzdik boksshy» boldy. Vasılıı Levıt (91 kg deıin) «Azııanyń úzdik boksshysy» atalymynda úzdik atandy. Jeńimpazdarǵa tıisti AIBA vıtse-prezıdenti men Azııalyq boks konfederatsııasy prezıdenti Serik Qonaqbaevtyń qoly qoıylǵan sertıfıkattar beriledi.
Eske sala keteıik, Amanqul osy jyly Qazaqstandaǵy birneshe týrnırde jeńiske jetti, al Ábdirahmanov pen Levıt Rıo-de-Janeırodaǵy Olımpıada oıyndaryna joldama aldy. Vasılıı qyrkúıekte Taılandtaǵy týrnırde chempıon atandy.
