Qazaqstandyqtar 9 trln teńgeniń depozıtin shetel valıýtasynda ustap otyr
Ulttyq banktiń málimeti boıynsha jeltoqsan aıynda, depozıttik uıymdarda ustalatyn aqshanyń kólemi 5,1% ulǵaıyp, 27 trln 101,6 mlrd teńgege jetken. ıAǵnı, jyldyq ósim 22,7% degen sóz. Onyń ishinde, zańdy tulǵalardyń depozıtteri bir aıda 13 trln 836,6 mlrd teńgege deıin nemese 5,9% artsa, jeke tulǵalardyń depozıtteri 13 trln 264,9 mlrd teńgege deıin nemese 4,2% ósken.
Ulttyq valıýtadaǵy depozıtterdiń kólemi bir aıda 17 trln 337,5 mlrd teńgege deıin nemese 7,1% ulǵaısa, shetel valıýtasynda 9 trln 764,1 mlrd teńgege deıin nemese 1,7% kóbeıgen. Demek, depozıtterdiń 36,0%-y dollarmen saqtalyp otyr. 2020 jylǵy jeltoqsanda onyń mólsheri 37,3% bolǵan .
«Zańdy tulǵalardyń ulttyq valıýtadaǵy depozıtteri 2021 jylǵy jeltoqsanda 8 trln 629,3 mlrd teńgege deıin nemese 7,3% artty. Shetel valıýtasynda – 5 207,3 mlrd teńgege deıin nemese 3,6% ulǵaıdy. Bul – zańdy tulǵalarǵa tıesili depozıtterdiń 37,6%-y», - dep jazady Ulttyq banktiń resmı saıty.
Al jeke tulǵalardyń teńgedegi depozıtteri 8 trln 708,2 mlrd teńge bolsa, (6,8% ulǵaıdy), shetel valıýtasynda 4 trln 556,7 mlrd teńgege (0,4%) azaıdy.
Merzimdi depozıtterdiń kólemi bir aıda 0,2% ulǵaıyp, 17 trln 896,2 mlrd teńge bolǵan. Onyń ishinde ulttyq valıýtadaǵy salymdar 11 trln 547,2 mlrd teńge, shetel valıýtasyndaǵy salymdar – 6 349,0 mlrd teńge boldy.
Banktik emes zańdy tulǵalardyń ulttyq valıýtadaǵy merzimdi depozıtterine ortasha syıaqy mólsherlemesi 7,3% (2020 jylǵy jeltoqsanda da – 7,3%), jeke tulǵalardyń depozıtteri boıynsha – 7,8% (9,2%) bolǵan.