Qazaqstandyqtar 9 qyrkúıekte ótetin jekpe-jekterdi asyǵa kútýde
ASTANA. QazAqparat - 9 qyrkúıek kún ótetin jekpe-jekterdi Almaty men Astana turǵyndary qatar kútip júr, dep habarlaıdy QazAqparat tilshisi.
Bul kúni Almatyda aralas jekpe-jekten qazaqstandyq faıter Arman Ospanov kezekti aıqasy úshin sharshy alańǵa shyǵady. Al Astana turǵyndary dál osy kúni Qanat Islam men kanadalyq Brendon Kýktiń jekpe-jegin tamashalaıtyn bolady.
Qazir Qanat Islamnyń qarsylasy belgili bolsa Arman Ospanovtyń qarsylasy áli naqtylanbady.
Ospanovtyń aıqasy 9 qyrkúıekte saǵat 18.00-de «Almaty Arenada» ótse, Qanat Islamnyń boks keshi Astanada «Saryarqa» velotreginde týra osy ýaqytta bastalady.
Arman Ospanov qatysatyn ASV-69 týrnırinde jalpy 12 jup óner kórsetse, onyń ishinde 7 qazaqstandyq jekpe-jek sheberleri synǵa túsedi. Olar: Asyljan Baqytjanuly, Asý Almabaev, Qarshyǵa Dáýitbek, Evgenıı Egemberdıev, Baqytjan Nesipbek.
Al Qanat Islamnyń boks keshinde odan bólek eshbir jeńilip kórmegen 8 boksshymyz sharshy alańǵa shyǵady. Olar: Janqosh Turarov (21-0, 15KO), Jánibek Álimhanuly (1-0, 1KO), Meıirim Nursultanov (3-0,2KO), Rýslan Myrsataev (3-0, 3KO), Álı Ahmedov (7-0,5KO), Aıdos Erbosynuly (6-0, 6KO), Dımash Nııazov (11-0-3, 5KO) jáne Nursultan Jańabaev.
