Qazaqstandyqtar 8 mlrd teńge kólemindegi salyq bereshegin ótedi
«2019 jylǵy 10 qazanyndaǵy jaǵdaı boıynsha 334 127 jeke tulǵa 7,9 mlrd teńge kóleminde salyqtyq bereshegin ótep, 1,64 mlrd teńge ósimpul esepten shyǵaryldy. Eske sala ketsek, 3 – 10 qazan aralyǵynda 21 275 jeke tulǵanyń 74,8 mln teńge kólemindegi ósimpuly esepten shyǵarylǵan bolatyn.
Salyq bereshegin ótegen eń kóp azamattar – Almaty qalasynyń 65 042 turǵyny qaryzyn tóledi. Ekinshi orynda Aqtóbe oblysy 34 68 adam, úshinshi orynda – Qostanaı oblysy – 28 975 adam», delingen habarlamada.
Tólengen salyq somalary boıynsha alda Almaty qalasy. Shahar turǵyndary qazirgi ýaqytta 4 mlrd 440 mln teńge.
Aıta keteıik, 2019 jyldyń 1 qańtaryndaǵy jaǵdaı boıynsha Almaty boıynsha salyq qaryzy 5,5 mlrd teńgeni quraǵan bolatyn.
Jınalǵan salyq qaryzy boıynsha osy aptadaǵy reıtıng kóshbasshysy Almaty qalasynyń turǵyny. Ol kólik salyǵy boıynsha 1 862 999 teńge kólemindegi negizgi borysh somasyn tólep, atalǵan somadan 1,5 ese asyp túsetin ósimpuly esepten shyǵaryldy (2 745 000 teńge).
Nur-Sultan turǵyndary salyq bereshegi boıynsha 483,9 mln teńgeni ótegen. Qostanaı oblysynda 459,8 mln teńge kólemindegi salyq bereshegi óteldi.
Salyq tóleýshiler boryshtarynyń bar-joǵyn Memlekettik kirister komıtetiniń saıtynda teksere alady.
Aıta keterligi, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksiniń (Salyq kodeksi) kúshine enýi týraly» 2019 jylǵy 3 shildede jeke tulǵalarǵa salyq boıynsha raqymshylyq jasaýǵa múmkindik beretin ózgertý engizildi. Bul túzetýler 2019 jyldyń 16 shildesinde kúshine endi.
Jalpy, atalmysh raqymshylyq naýqanyna 1,4 mln adam ilige alady. Olar 13,9 mlrd teńge kólemindegi salyq beresheginiń negizgi somasyn ótegen jaǵdaıda, 6,3 mlrd teńge ósimpuly esepten shyǵarylatyn bolady.
