Qazaqstandyqtar 8,9 mlrd teńge zeınetaqy jınaǵyn senimgerlik basqarýǵa bergen

ASTANA. QazAqparat – Zeınetaqy jınaǵyn senimgerlik basqarýǵa berýdi qalaǵan qazaqstandyqtar arasynda eń belsendi turǵyndar – almatylyqtar. QazAqparat bul týraly Biryńǵaı jınaqtaýshy zeınetaqy qoryna silteme jasap habarlaıdy.

«Bıylǵy 1 shildedegi jaǵdaı boıynsha ınvestıtsııalyq portfeldi basqarýshylarǵa (IPB) 2021 jyldyń 18 aqpanynan beri 8,9 mlrd teńge aýdaryldy. BJZQ 5 9991 ótinishti oryndady. Aýdarymnyń ortasha somasy shamamen 1,5 mln teńgeni quraıdy.

Zeınetaqy jınaǵyn senimgerlik basqarýǵa berýge bolatyn 5 kompanııa anyqtalǵan bolatyn - «JUSAN INVEST» AQ, «BCC Invest» AQ, «Halyk Global Markets» AQ, «Halyk Finance» AQ jáne «Sentras Sekıýrıtız» AQ.

Zeınetaqy jınaǵan IPB-larǵa eń kóp aýdarǵan turǵyndar – almatylyqtar, 2218 ótinim maquldanǵan. Aýdarylǵan soma – 4 172 mln. teńge. Ekinshi orynda – Astana turǵyndary, 1 415 ótinim maquldandy, aýdarylǵan soma – 2 141 mln. teńge. Úshinshi orynda – Atyraý oblysy, 316 ótinim maquldandy, aýdarylǵan soma – 433 mln teńge.