Qazaqstandyqtar 520 mln teńge zeınetaqy jınaǵyn ınvestıtsııalyq basqarýǵa berdi
2021 jylǵy 15 naýryzdaǵy jaǵdaı boıynsha BJZQ 2021 jyldyń 18 aqpanynan beri túsken 190 ótinishti óńdep, ınvestıtsııalyq portfeldi basqarýshylarǵa (IPB) shamamen 521,4 mln teńge aýdardy. Aýdarymnyń ortasha somasy shamamen 2,7 mln teńge.
Oryndalǵan ótinishterdiń 54% astamy Almaty qalasynyń turǵyndarynan tústi. Almatylyqtardyń IPB-ǵa senip tapsyrǵan aýdarymdarynyń ortasha somasy 2,7 mln teńgeni qurady. Oryndalǵan ótinishterdiń 18% astamyn Nur-Sultan qalasynyń turǵyndary berdi. IPB-ǵa aýdarylǵan ortasha soma 4,3 mln teńge. Basqarýshy kompanııalarǵa aýdarylǵan eń kóp somalardyń (orta eseppen 6,7 mln teńge) ıegerleri – Atyraý oblysynyń turǵyndary. Munda zeınetaqy jınaqtaryn aýdarý týraly bar-joǵy úsh ótinish oryndaldy, biraq olardyń jalpy somasy 20 mln teńge.
15 naýryzdaǵy jaǵdaı boıynsha BJZQ-ǵa jınaqtardy IPB-ǵa aýdarý týraly barlyǵy 732 ótinish túsken. Onyń 190-y oryndalyp, 403 ótinish qazirgi sátte óńdelý ústinde, al 139 ótinishti oryndaýdan bas tartyldy.
Zeınetaqy jınaqtaryn aýdarý úshin salymshy BJZQ-ǵa ótinish jasaýy qajet, ony enpf.kz saıtyndaǵy jeke kabınet arqyly nemese BJZQ-nyń kez kelgen óńirlik bólimshesine ózi kelgende berýge bolady.
Eske salsaq, 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.
Sonymen qatar, Basqarýshy kompanııalarǵa beriletin qarajattan tabys salyǵy alynbaıdy. Qazaqstandyqtar 6 kompanııaǵa zeınetaqy jınaǵyn ınvestıtsııalaı alady.