Qazaqstandyqtar «5 ınstıtýttyq reformany júzege asyrý jónindegi 100 naqty qadamnyń» mańyzdylyǵyn baǵalady

ASTANA. QazAqparat - Qazaqstandyqtar «5 ınstıtýttyq reformany júzege asyrý jónindegi 100 naqty qadamnyń mańyzdylyǵyn baǵalady. Resmı BAQ-ta Qoǵamdyq-saıası úderisterdiń saraptamalyq-jobalyq bıýrosynyń 2015 jylǵy 9-11 maýsym arasynda júrgizgen qoǵamdyq pikirlerge saýaldamasy jarııalandy.

Reformanyń árbir baǵyty boıynsha neǵurlym mańyzdy qadamnyń birinshi «úshtigi» (10 balldyq júıe boıynsha baǵalaý)

І. QAZІRGІ ZAMANǴY MEMLEKETTІK APPARATTY QALYPTASTYRÝ

1. Memlekettik qyzmetkerlerdi jumys nátıjesi boıynsha eńbekaqy tóleýge kóshirý (9,7 ball)

2. Jemqorlyqpen kúresti kúsheıtý (9,6 ball)

ІІ. ZAŃ ÚSTEMDІGІN QAMTAMASYZ ETÝ

1. Sot qyzmetine úmitkerlerdi tańdaý tetikterin jáne biliktilik talabyn qataıtý (9,6 ball)

2. Polıtsııa qyzmetkerlerin tańdaý júıesin biliktilik ádisi negizinde jaqsartý (9,5 ball)

3. Sottardyń eseptiligin kúsheıtý (9,3 ball)

ІІІ. INDÝSTRIıALANDYRÝ JÁNE EKONOMIKALYQ ÓSІM

1. Jol-kólik ınfraqurylymdary, qýat únemdeý, týrıstik klasterler qurý, sút jáne sút ónimderi óndirisi salalaryna strategııalyq ınvestorlardy tartý (9,8 ball)

2. Qazaqstandy halyqaralyq kóliktik-kommýnıkatsııalyq aǵymǵa ıntegratsııalaý (9,6 ball)

3. Densaýlyq saqtaý jáne áleýmettik damý mınıstrligi janynan medıtsınalyq qyzmet sapasy jónindegi birlesken komıssııa qurý (9,5 ball)

IV. BІRTEKTІLІK JÁNE BІRLІK

1. «Máńgilik el» patrıottyq akt jobasyn ázirleý (9,7 ball)

2. Jalpyǵa ortaq eńbek qoǵamy ıdeıalaryn alǵa jyljytý jónindegi ulttyq joba (9,5 ball)

3. «Meniń elim» ulttyq jobasyn áziárleý jáne júzege asyrý (9,3 ball)

V. ESEP BERETІN MEMLEKET QALYPTASTYRÝ

1. «Ashyq úkimetti» engizý (9,6 ball)

2. Strategııalyq josparlar men aýmaqtyq damý baǵdarlamasynyń negizgi kórsetkishterine qol jetkizý týraly memlekettik organdar basshylarynyń halyq aldyndaǵy jyl saıynǵy sózderin tájirıbege engizý (9,5 ball)

3. Memlekettik apparat jumysyn aýdıtteý men baǵalaýdyń jańa júıesin engiizý. (9,2 ball)

Qoǵamdyq pikirlerge saýaldamany Qoǵamdyq saıası úderisterdiń saraptamalyq-jobalyq bıýrosy 2015 jyldyń 9-11 maýsym aralyǵynda telefonmen suhbat ádisimen júrgizdi. Saýaldamaǵa qalalar men aýyldyq jerlerde turatyn jasy 18-den asqan 1200 qazaqstandyq qatysty. Zertteýge 14 oblys pen Astana jáne Almaty qalalary qamtyldy. Іrikteý qateligi 2,8 paıyzdy qurady.