Qazaqstandyqtar 43 myń eski banknottardy aıyrbastady

NUR-SULTAN. QazAqparat - 12 maýsymynan bastap 2006 jyly jáne odan keıingi jyldary shyqqan banknottardy merzimsiz aıyrbastaý kezeńi bastalǵan edi. Osy ýaqyt aralyǵynda qazaqstandyqtar jalpy somasy 113 mln teńgeden asatyn 43 385 banknotty aıyrbastady dep habarlaıdy QazAqparat Ulttyq bankke silteme jasap.

Banknottardy aýystyrýǵa qatysty ótinishterdiń basym bóligi Almaty (19,4%), Nur-sultan (11,7%), Qaraǵandy oblysynyń (7,2%) turǵyndarynan tústi. Aıyrbastaýǵa qabyldanǵan kýpıýralardyń negizgi úlesin – nomınaly 500 teńgelik banknottar (43,7%) quraıdy.

Aıta keteıik, aınalymnan shyqqan 2006 jylǵy úlgidegi nomınaly 500, 1000, 2000, 5000 jáne 10 000 teńgelik banknottardy eshqandaı da shekti merzimge qaramastan QUB-tyń aýmaqtyq fılıaldarynda aıyrbastaýǵa bolady.

Jańa banknot shyqqan jaǵdaıda eski úlgisi 12 aı boıy qoldanysta qatar júredi. Bir jyl boıy eski banknot ta, jańa banknot ta zańdy tólem quraly bolyp sanalady jáne olardy barlyq tólem túri boıynsha qabyldaýǵa mindetti.

Qandaı da bir banknot aınalymnan shyqqan jaǵdaıda 3 jyl ishinde ony QUB fılıaldarynan da, ekinshi deńgeıli bankterdiń bólimsheleri men «Qazposhta» keńselerinen de aıyrbastap alýǵa bolady.

Aınalymnan alynǵan banknottardy 3 jyl ótken soń QUB fılıaldarynda merzimsizaıyrbastaýǵa bolady.