Qazaqstandyqtar 30 kún ótkenin kútpeı elge orala ala ma – UQK Shekara qyzmetiniń jaýaby

NUR-SULTAN. QazAqparat - QR UQK Shekara qyzmeti «Qazaqstan azamattary 30 kúndik merzim ótkenin kútpesten elge oralýyna bola ma?» degen suraqqa jaýap berdi, dep habarlaıdy QazAqparat tilshisi.

«Qazaqstan Respýblıkasynyń azamattary kez kelgen ýaqytta elge memlekettik shekara arqyly kez kelgen ótkizý pýnkti arqyly orala alady. Shetel azamattary úshin Qazaqstan Respýblıkasyna kelýge shekteýler bar. Bul shekteýler epıdemıologııalyq jaǵdaıdy eskere otyryp qabyldandy», - dedi Shekara qyzmetiniń shekaralyq baqylaý departamentiniń ókili, podpolkovnık Mýndash Mýllýashev.

Eske sala ketsek, UQK Shekara qyzmetiniń ókilderi memlekettik shekarany kesip ótý erejelerin túsindirgen bolatyn.