Qazaqstandyqtar 2017 jyly neshe kún jumys isteıtinderi belgili boldy
Mınıstrliktiń aqparatyna súıensek, 2017 jyly bes kún jumys isteıtin azamattar 1960 saǵattan artyq, alty kún eńbek etetinder 1972 saǵattan artyq, al «aptasyna 36 saǵat jumys isteımin» dep kelisken azamattar jylyna 1764 saǵattan artyq jumys istemeýi kerek eken.
«2015 jylǵy 23 qarashadaǵy Qazaqstan Respýblıkasy Eńbek kodeksiniń 68-babynda jumys ýaqytynyń qalypty uzaqtyǵy aptasyna 40 saǵattan aspaýǵa tıis dep kózdelgen. Sondaı-aq Kodekste qyzmetkerlerdiń jekelegen sanattary úshin jumys ýaqytynyń qysqartylǵan uzaqtyǵyn belgileý kózdelgen:
- on tórt jastan on alty jasqa deıingi qyzmetkerler úshin - aptasyna 24 saǵattan aspaıtyn (Kodekstiń 69-baby);
- on alty jastan on segiz jasqa deıingi qyzmetkerler úshin - aptasyna 36 saǵattan aspaıtyn (Kodekstiń 69-baby);
- aýyr jumystarda, eńbek jaǵdaılary zııandy (erekshe zııandy) jáne (nemese) qaýipti jumystarda isteıtin qyzmetkerler úshin - aptasyna 36 saǵattan aspaıtyn (Kodekstiń 69-baby);
- birinshi jáne ekinshi toptaǵy múgedek qyzmetkerlerge aptasyna 36 saǵattan aspaıtyn (Kodekstiń 69-baby) bolýy shart», - dep habarlaǵan mınıstrlik.
Bes kúndik jumys aptasy kezinde kúndelikti jumystyń (jumys aýsymynyń) uzaqtyǵy aptalyq norma 40 saǵat bolǵanda - 8 saǵattan, aptalyq norma 36 saǵat bolǵanda - 7 saǵat 12 mınýttan aspaýǵa tıis; alty kúndik jumys aptasy kezinde kúndelikti jumystyń (jumys aýsymynyń) uzaqtyǵy aptalyq norma 40 saǵatqa teń bolǵanda - 7 saǵattan, aptalyq norma 36 saǵat bolǵanda - 6 saǵattan aspaýǵa tıis jáne t.b.
«Osy óndiristik kúntizbede aı, toqsan jáne 2017 jyldyń tutastaı jumys kúnderi (saǵattary) boıynsha jumys ýaqytynyń normasy keltirilgen. Ol 40 saǵattyq jáne 36 saǵattyq jumys aptasynda segiz, jeti jáne alty saǵattyq jumys kúniniń negizinde bes kúndik jáne alty kúndik jumys aptasynyń kúntizbesi boıynsha eseptelgen. Sondyqtan, 2017 jyly jumys ýaqytynyń normasy:
- 40 saǵattyq jumys aptasynda:
- bes kúndik - 1960 saǵatty (245 kún * 8,00 saǵat);
- alty kúndik - 1972 saǵatty (246 kún * 7,00 saǵat + 50 kún * 5,00 saǵat);
- 36 saǵattyq jumys aptasynda:
- bes kúndik - 1764 saǵatty (245 kún * 7,20 saǵat);
- alty kúndik - 1776 saǵatty (296 kún * 6,00 saǵat) quraıdy.
2017 jylǵa arnalǵan jumys kúnderiniń ortasha aılyq sany:
- bes kúndik jumys aptasynda - 20,42 kúndi;
- alty kúndik jumys aptasynda - 24,67 kúndi quraıdy», - dep habarlady mınıstrlikten.
Sondaı-aq, áleýmettik damý mınıstrligi 2017 jyly demalatyn kúnderdiń tizimin jarııalaǵan.
«Qazaqstan Respýblıkasyndaǵy mereke kúnderi jumys kúnderine kirmeıdi. Demalys jáne mereke kúnderi sáıkes kelgen jaǵdaıda merekeden keıingi jumys kúni demalys kúni bolyp esepteledi.
Qazaqstan Respýblıkasyndaǵy mereke kúnderi:
ulttyq mereke:
16-17 - jeltoqsan - Táýelsizdik kúni;
memlekettik merekeler:
1-2 qańtar - Jańa jyl;
8 naýryz - Halyqaralyq áıelder kúni;
21-23 naýryz - Naýryz meıramy;
1 mamyr - Qazaqstan halqynyń birligi merekesi;
7 mamyr - Otan qorǵaýshy kúni;
9 mamyr - Jeńis kúni;
6 shilde - Astana kúni;
30 tamyz - Qazaqstan Respýblıkasynyń Konstıtýtsııasy kúni.
1 jeltoqsan - Qazaqstan Respýblıkasynyń Tuńǵysh Prezıdenti kúni.
Osyǵan oraı, 2017 jylǵy jumys ýaqytynyń balansyn qurý kezinde Zańnyń normalaryn esepke ala otyryp, demalys kúnderine (senbi, jeksenbi) sáıkes keletin mereke kúnderi merekeden keıingi jumys kúnine aýystyryldy:
bes kúndikte:
1 qańtardan 3 qańtarǵa;
7 mamyrdan 8 mamyrǵa;
16 jeltoqsannan 18 jeltoqsanǵa;
17 jeltoqsannan 19 jeltoqsanǵa;
alty kúndikte:
1 qańtardan 3 qańtarǵa;
7 mamyrdan 8 mamyrǵa;
17 jeltoqsannan 18 jeltoqsanǵa;
Kodekstiń 84-babyna sáıkes, bes kúndik jáne alty kúndik jumys aptasynda jeksenbi jalpy demalys kúni bolyp esepteledi.
Bes kúndik jumys aptasyndaǵy ekinshi demalys kúni ujymdyq shartta nemese eńbek tártiptemesi qaǵıdalarynda belgilenedi.
2017 jyly Qurban aıttyń birinshi kúni 1 qyrkúıekke týra keledi, al 7 qańtar - pravoslavıelik Rojdestvo demalys kúni bolyp esepteledi», - delingen mınıstrliktiń aqparatynda.