Qazaqstandyqtar 2017 jyly eń kóp satyp alǵan kólikter anyqtaldy
ASTANA. QazAqparat - 2017 jyldyń qorytyndysy boıynsha qazaqstandyqtardyń eń kóp suranysqa ıe avtokólik brendteriniń arasynda «Toyota» kósh bastady, dep habarlaıdy «QazAqparat» HAA tilshisi «QazAvtoÓndiris» Qazaqstannyń avtomobıl salasy kásiporyndarynyń odaǵy baspasóz qyzmetine silteme jasap.
Naqtyraq aıtqanda, byltyr Qazaqstanda «Toyota» markaly 9252 avtokólik satylǵan. Ekinshi orynda reseılik Lada (8729 avtokólik satylǵan) kólikteri tur. 2017 jyly ózbekstandyq Ravon mashınalarynyń 4621 danasy satylyp, atalǵan marka alǵashqy úshtikti túıindedi. Odan keıingi oryndarda Hyundai (3624) men GAZ (2611) tur.
Sonymen qatar, úzdik markalardyń ondyǵyna Renault (2486), KIA (2301), UAZ (1900), Nissan (1683) jáne Chevrolet (1489) engen.
Jalpy, 2017 jyly Qazaqstan aýmaǵynda resmı dıllerler arqyly 46 377 kólik satylyp, bul kórsetkish 2016 jylmen salystyrǵanda 5,8 paıyzǵa artyq bolyp otyr. Jeńil avtokólikti satyp alý úshin byltyr qazaqstandyqtar 1,12 mıllıard (aldyńǵy jylmen salystyrǵanda 28,6 paıyzǵa artyq) teńge jumsaǵan.
Jeńil avtokólikti satyp alý belsendiligi boıynsha Almaty (11928), Astana (8383), Shymkent (3292), Atyraý (3257), Qostanaı (2893), Qaraǵandy (2762), Oral (2437), Óskemen (2224), Aqtaý (1763) jáne Aqtóbe (734) qalalary aldyńǵy qatarda.
