Qazaqstandyqtar 2016 jylǵy 1 qańtardan uıaly baılanys operatoryn óz nómirin saqtaı otyryp tańdaý múmkindigine ıe bolady
ASTANA. QazAqparat - MNP qyzmeti Qazaqstanda 2016 jylǵy 1 qańtardan bastap qosylady. QR Májilisiniń ekinshi oqylymynda maquldanǵan «Aqparattandyrý máseleleri jóninde Qazaqstan Respýblıkasynyń keıbir zańnamalyq aktilerine ózgerister engizý týraly» zań jobasyna tıisti norma bekitildi, dep habarlaıdy QR IDM BAAK baspasóz qyzmetinen.
Vedomstvonyń habarlaýnysha, (MNP) abonenttik nómirlerin aýystyrý qyzmetin jiberý abonentterge óz nómirin saqtaı otyryp uıaly baılanys operatoryn ózdiginen tańdaýǵa múmkindik beredi. Jańa engizilim qyzmet etip jatqan operatorlardyń básekelestik kúresin kúsheıtýge, abonentterdiń qosymsha SIM-kartalardan bas tartýǵa jáne uıaly baılanys qyzmetiniń qunynyń tómendeýine yqpal etedi. Qazir QR IDM baılanys, aqparattandyrý jáne aqparat komıtetimen abonent nómirleriniń ortalyqtandyrylǵan derekter bazasy (ANODB) quryldy, al baılanys operatorlary óz jelilerin jańartyp, testileýdi júzege asyrýda. Baılanys qyzmetin kórsetýge ýákiletti organ tarapynan baqylaýdy kúsheıtý máselelerine jeke kóńil bólinedi. Sonymen, abonentterge qyzmet kórsetkende baılanys sapasynyń kórsetilgen parametrlerin saqtamaǵany, qyzmet kórsetý týraly shart jasalmaǵan aboenttik nómirlerge qyzmet jasaǵany, uıaly baılanys jelilerinde abonenttik nómirlerdi aýystyrýdy qamtamasyz etý boıynsha mindettemelerdi oryndamaǵany jáne radıojıilik spektrlardy jáne tb. qoldanýǵa ruqsattamalarda kórsetilgen eldi mekenderdi jáne aýmaqtardy baılanys qyzmetimen qamtamasyz etý úshin jaýapkershilik anyqtalǵan. Budan basqa, «Aqparattandyrý týraly» zań jobasy Qazaqstan azamattarynyń aqparattary men derbes derekterin qorǵaý boıynsha memorgandardyń aqparattyq qaýipsizdik sharalarynyń máselelerin retteıdi. Sonymen, alǵash ret «aqparattyq ınfraqurylymnyń synı mańyzdy obektileri» túsinigi engizildi. Ol áleýmettik jáne (nemese) tehnogendik sıpatttaǵy tótenshe jaǵdaılarǵa nemese qorǵanystyń, qaýipsizdiktiń, halyqaralyq qatynastardyń, ekonomıkanyń, jeke sharýashylyq salalarynyń, eldiń ınfraqurylymynyń nemese halyqtyń tirshilik áreketiniń birshama jaǵymsyz saldarlaryna ákeletin aqparattandyrýdyń neǵurlym mańyzdy obektilerin anyqtaıdy. Sondaı-aq barlyq memlekettik aqparattyq resýrstary men júıeleri, sondaı-aq aqparattyq-kommýnıkatsııalyq ınfraqurylymnyń synı mańyzdy nysandary sáıkes bolýy kerek aqparattyq qaýipsizdikti qamtamasyz etetin AKT salasynyń biryńǵaı standarttary ázirlendi.
