Qazaqstandyqtar 160 myńǵa jýyq eski kólikti joıýǵa tapsyrdy
NUR-SULTAN. QazAqparat - Qazaqstandyqtar 160 myńǵa jýyq eski kólikti joıýǵa tapsyrdy, dep habarlaıdy QazAqparat ÓKM Operatory baspasóz qyzmetine silteme jasap.
«Eski kólikterdi joıýǵa qabyldaý baǵdarlamasyna 4 jyl. Osy aralyqta eki baǵdarlama (qunyn tóleý jáne sertıfıkat) boıynsha 158 770 avtokólik joıýǵa qabyldandy. Tozyǵy jetken kóligin ótkizgen qazaqstandyqtarǵa 14 mlrd teńgede astam qarajat tólendi. Sertıfıkat baǵdarlamasy boıynsha 54 635 avtokólik qabyldandy. Baǵdarlama nátıjesinde otandyq óndirýshiden 28 141 sý jańa avtokólik satyp alyndy», delingen habarlamada.
Aıta ketý kerek bıyl eski kólikti tapsyrǵandarǵa beriletin ótemaqy kólemi aılyq eseptik kórsetkishe baılanysty ósirti. Maýsym aıynan bastap jeńil kólik tapsyrǵandarǵa beriletin ótemaqy 150 myńnan 200 myń teńgege (72 AEK) jetti.
2020 jyldyń 2 qarashadan bastap ÓKM Operatory tozyǵy jetken aýylsharýashylyq tehnıkasyn qaıta óńdeýge qabyldaýǵa pılot baǵdarlamany iske qosty. Baǵdarlama aıasynda agrotehnıkany tapsyrýshylarǵa 560 myńnan 2 mıllıon teńgeniń jeńildik sertıfıkaty berile bastady. Jańa baǵdarlama iske qosylǵannan beri 47 aýylsharýshlyq tehnıkasy qabyldandy. Onyń 33-i traktor, 14-i kombaın. Jyl sońyna deıin aýylsharýashylyq tehnıkasyn qabyldaýǵa 120 kvota (100 traktor jáne 20 kombaın) qarastyrylǵan.
Eski kólikterdi joıýǵa qabyldaý baǵdarlamasy boıynsha aımaqtardan jınalǵan mashınalar Qaraǵandy oblysyndaǵy zaýytqa jetkiziledi. Іsten shyqqan kólik sol jerde qaıta óńdeledi. Qazirgi tańda zaýyt 146 705 kólikti qaıta óńdedi.
