Qazaqstandyqtar 100 tonna mysty Reseıge zańsyz alyp ótpek boldy
ASTANA. QazAqparat - Qazaqstan - Reseı shekarasynda qazaqstandyq shekarashylar salmaǵy 100 tonnaǵa jýyq tústi metaldy (mys) zańsyz túrde ótkizbek bolǵandardyń jolyn kesti. Bul týraly QR UQK ShQ baspasóz qyzmetinen habarlandy.
Aqtóbe shekara otrıadyna qarasty «Jaısań» ótkizý baqylaý beketiniń baqylaýshylary «Qaraǵandy - Orynbor» baǵytynda salmaǵy 100 tonnaǵa jýyq tústi metall - mys kesekterin júk mashınasyna artyp kele jatqan elimizdiń 5 azamatyn ustady.
Teksere kelgende júkti óńdeýge Qazaqstan Respýblıkasynan alyp ótýge beriletin memlekettik lıtsenzııasy bolmaı shyqty. Júktiń aldyn ala eseptegendegi quny 120 mln. teńgeni qurap otyr.
Aldyn ala tergeýden keıin atalǵan júk Qarjy polıtsııasynyń Aqtóbe oblysy boıynsha departamentine berildi.
