Qazaqstandyqtar 1 qazanǵa deıin múlik salyǵyn tóleýi kerek
Sonymen, Salyq kodeksine engizilgen ózgeristerge sáıkes 2021 jyldyń 1 qańtarynan bastap jer men múlik bir múlik salyǵyna biriktirildi.
Endi úı men jer úshin múlik salyǵy sııaqty biryńǵaı soma tólenýi kerek.
Aldaǵy tólemderdi esepteý kezinde Qazaqstan Respýblıkasynyń Aýyl sharýashylyǵy mınıstrligi Jer resýrstaryn basqarý komıtetiniń «Memlekettik jer kadastry» AJ jáne Qazaqstan Respýblıkasy Ádilet Mınıstrliginiń «Jyljymaıtyn múlik rıgıstri» memlekettik derekter qory AJ derekteri paıdalanyldy.
2020 jylǵa eseptelgen múlik salyǵy aǵymdaǵy jyldyń 1 shildesinen 1 qazanyna deıin «E-salyq Azamat» mobıldi qosymshasynyń «aldaǵy tólemder» servısinde ornalastyrylatyn bolady.
Memlekettik kirister komıteti azamattardy MKK «E-Salyq-Azamat» tegin mobıldi qosymshasyn paıdalanýǵa shaqyrady.
Mobıldi qosymshaǵa kirý úshin, Sizdiń derekterińizdiń qaýipsizdigi maqsatynda, Sizdiń uıaly telefon nómirińiz mobıldi azamattar bazasynda (HQKO) Sizdiń JSN-de tirkelýi qajet.
Jeke tulǵalarǵa daıyn derektemeler boıynsha bir mezgilde tólem júrgizý múmkindigimen aldaǵy salyq somasyn ony tóleý merzimi bastalǵanǵa deıin bilýge múmkindik berilgen.
Esterińizge sala keteıik, 2020 jylǵa múlik salyǵyn tóleý merzimi 2021 jylǵy 1 qazanyna aıaqtalady .
MKK portalynda, «elektrondy úkimet» (egov. kz) portalynda aldaǵy tólemderdi kórýden basqa, bankterdiń mobıldi qosymshalarynda derekterdi alý múmkindigi iske asyryldy (Kaspi kz, Homebank).
Bul rette MKK mobıldi jáne bank qosymshalarynyń aldaǵy tólemder servısinde eseptelgen múlik salyǵynyń somasy derbes shottaǵy bar tólemdi (artyq tólemdi) eskere otyryp kórsetiledi.
Sonymen qatar, múlik salyǵy boıynsha aldaǵy tólemderdiń somasy salyq bereshegi bolyp tabylmaıdy, osyǵan baılanysty bul soma MKK mobıldi qosymshasynyń «Memlekettik kirister organdarynda esepke alý júrgiziletin salyqtyq bereshektiń joq (bar) ekendigi týraly málimetter» servısinde kórsetilmeıdi.
Jeke tulǵalar salyqty basqa tásildermen tóleı alady: ekinshi deńgeıdegi bankterdiń bólimshelerindegi tólem termınaldaryndaǵy qolma-qol aqsha qarajatymen, bankomattar men tólem termınaldaryndaǵy bank kartalarynyń kómegimen.