Qazaqstandyq ziltemirshi Sport sotyna HOK pen WADA-nyń dopıng týraly sheshimine talaparyz berdi
ASTANA. QazAqparat - Qazaqstandyq ziltemirshi Marııa Grabovetskaıa Lozannadaǵy (Shveıtsarııa) Sporttyq tórelik sotqa talaparyz berdi, dep habarlady RNZ.
2008 jylǵy Beıjiń Olımpıadasynda Grabovetskaıa qola medal utqan. Bıyl dopıng-synamany qaıta teksergennen keıin oń nátıje kórsetti. Taıaý ýaqytta onyń medalin keri qaıtaryp alýy múmkin.
HOK (Halyqaralyq olımpıada komıteti) pen WADA (Halyqaralyq dopıngke qarsy agenttik) júrgizgen dopıng-synamanyń qaıta tekserý nátıjesimen kelispegen Grabovetskaıa CAS-qa júgindi.
Eger ýkraındyq Olga Korobka men Grabovetskaıa kúmis jáne qola medaldarynan aıyrylǵan jaǵdaıda, kúmis Beıjińde tórtinshi bolǵan Samoalyq Ela Olelogege buıyrady.
RNZ-qa bergen suhbatynda Oleloge Korobka men Grabovetskaıa CAS-qa talaparyz bergennen keıin nagradasyn ázirge ala almaıtynyn aıtqan.
"Osynsha jyldan keıin taǵy bir-eki aı, múmkin apta álde odan kóp kútýim ókinishti", - dep habarlady Oleloge.
Samoa Aýyr atletıka federatsııasy talaparyz týraly aqparatty rastady. Uıym halyqaralyq aýyr atletıka federatsııasynan Korobka men Grabovetskaıadan «V» synama oń nátıje bergeni jaıly habarlama alǵan.
Budan buryn HOK dopıng saldarynan 2012 jylǵy Olımpıada oıyndarynda qazaqstandyq ziltemirshileri Maııa Maneza, Zýlfııa Chınshanlo jáne Svetlana Podobedovny medaldarynan aıyrǵan.
Taıaý ýaqytta taǵy qazaqstandyq bes ziltemirshiniń sheshimi shyǵady. Olardyń ishinde Ilıa Ilın, Marııa Grabovetskaıa, Irına Nekrasova, Vladımır Sedov pen Almas Óteshov bar. Ilınde tyıym salynǵan zat eki Olımpıada synamasynan tabylǵan. Qazaqstan eki altyn, bir kúmis, bir qola júldeden aıyrylyp qalýy múmkin, dep jazady Vestı.kz.
