Qazaqstandyq ziltemirshi Azııa chempıonatynda kúmis medal aldy
ASTANA. QazAqparat – Qazaqstandyq Araı Nurlybekova Bahreınde ótip jatqan aýyr atletıkadan Azııa chempıonatynyń kúmis júldegeri atandy, dep habarlaıdy QazAqparat Qazaqstan Aýyr atletıka federatsııasynyń baspasóz qyzmetine silteme jasap.
«Bahreındegi Azııa chempıonatynda bizdiń qurama komandanyń qorjynyna ekinshi kúmis medaldy Araı Nurlybekova ákeldi. Áıelder arasynda 76 kelige deıingi salmaqta qazaqstandyq sportshy qyz 221 kelini (97+124) baǵyndyryp, jekelegen jattyǵýlarda eki qola medal jeńip aldy!» - delingen Federatsııasynyń habarlamasynda.
Buǵan deıin qazaqstandyq aýyr atletter Asyljan Bektaı men Zýlfııa Chınshanlo týrnırdiń altyn medalin alsa, Arlı Chonteı «kúmis» medal ıelendi.
Foto: instagram.com/wf_rk
