Qazaqstandyq júzgishter Slovenııa chempıonatynyń alǵashqy kúni 10 medal ıelendi
ASTANA. QazAqparat - Slovenııanyń Radovlıtsa qalasynda ótip jatqan Halyqaralyq "42th International Swimming Championships TELEKOM 2018" týrnıriniń alǵashqy jarys kúni qazaqstandyq sportshylar 10 medal jeńip aldy, dep habarlaıdy QazAqparat tilshisi.
QR UOK baspasóz qyzmeti taratqan málimetke súıensek, 10 medaldiń 3-eýi - altyn, 2-eýi - kúmis jáne 5-eýi - qola medal.
50 metrge brass ádisimen júzgen Aıbek Qamzenov 28.75 nátıjesin kórsetip, chempıonattaǵy eń úzdik kórsetkishti tirkedi. Al 200 metrge júzýde úshinshi bolyp keldi. 50 metrge brass ádisimen júzýde Estonııa men Italııa sportshylarynan qalyp qoıǵan Adelaıda Pchelıntseva úshinshi orynda.
Batterflıaı ádisimen 100 metrge júzýde Ádilbek Mýsın altyn alsa, áıelder arasyndaǵy osy qashyqtyqta Aleksandra Shatskıh qola medal ıelendi.
50 metrge erkin stılmen júzýde Ádilbek Mýsın men Ádil Qasqabaı tıisinshe ekinshi, úshinshi oryndardy bólisip, Horvatııa sportshysyna jol berdi. Al 200 metrge erkin ádispen júzýde Ádil Qasqabaı altyn júldeger atandy.
100 metrge shalqalaı júzýde Anastasııa Rezvantseva kúmis, Dıana Nazarova qola júlde ıelendi.
Qazaqstan ulttyq quramasy 2018 jyly ótetin XVIII Jazǵy Azııa oıyndaryna (Djakarta, Indonezııa) daıyndyq barysynda atalǵan týrnırlerge qatysyp jatyr.
