Qazaqstandyq júzgish parasportshy Álem chempıonatynda jeńimpaz atandy
ASTANA. QazAqparat - Germanııada júzýden 50 elden úzdik 550 parasportshy qatysqan álem chempıonaty ótip jatyr, dep habarlaıdy Sports.kz.Jarystyń birinshi kúninde atyraýlyq júzgish Erjan Sálimgereev qarsylasyn oza shaýyp, batterflıaı stılinde júz metr qashyqtyqta júzip ótip, 1:21:61 nátıjesimen jeńimpaz atandy.
Aldyńǵy jyly paraolımpada chempıony Erjan Sálimgereev ulttyq qurama komanda quramynda Germanııada ótken ashyq kýbok jarystaryna qatysqan bolatyn. Erjan 50 jáne 100 metr qashyqtyqqa júzýden, eki márte qola medaldi ıelendi.
Qazaqstandyq taǵy da bir sportshy Dmıtrıı Lı erkin stılde 200 metr júzip ótip, kúmis medaldi qanjyǵasyna baılady. Sondaı-aq, Erjan men Dmıtrıı mamyr aıynda ótken Qazaqstan chempıonatynda bir qashyqtyqta jeńiske jetti. Nátıjesinde ekeýi de Berlınde ótip jatqan Álem chempıonatyna joldama alǵan.
