Qazaqstandyq jýrnalısterdiń DNQ-pasportyn jasaý usynyldy
ASTANA. QazAqparat - Astana qalasy boıynsha Sot saraptamalary ınstıtýtynyń bıologııalyq jáne hımııalyq zerthana meńgerýshisi Іńkár Tájiǵulova jýrnalısterge genetıkalyq pasport jasatýdy usyndy, dep habarlaıdy «QazAqparat» HAA tilshisi.
Mamannyń aıtýynsha, genetıkalyq pasport eń aldymen, qaterli mamandyqta jumys isteıtin adamdarǵa qajet.
«ıAǵnı, quqyq qorǵaý organdarynyń qyzmetkerleri, áskerı qyzmetshiler, ushqyshtar. Jýrnalıstıkany da osy sanatqa qosý kerek dep esepteımin. Ár adam genetıkalyq pasportty eshqashan qoldanbaımyn dep esepteıdi. Biraq, Qudaı basqa salmasyn, adam máıitin tanymaı qalatyndaı apattar men jarylystar bolady. Bul jaǵdaıda, máıittiń sáıkestigin tabý úshin DNQ-laryn zertteý qajet bolady. Apatqa ushyraǵan keı adamdardyń bıologııalyq týystary bolmaýy múmkin. Sol sátte genetıkalyq pasporty bar adamdardyń sáıkestigin ýaqyt ozdyrmaı anyqtaýǵa bolady. Barlyq adamdar genetıkalyq pasport alýǵa mindetti dep aıta almaımyz. Muny ár adam ózi sheshýi tıis. Biraq, meniń oıymsha, bul barlyq adamda bolýy tıis mańyzdy aqparat», - dedi Іńkár Tájiǵulova Astana qalasy boıynsha Sot saraptamalary ınstıtýtyna jasalǵan baspasóz-týry barysynda.
Mamannyń aıtýynsha, genetıkalyq sáıkestikti zertteýdiń eń qysqa merzimi - úsh kún. Al eń uzaq merzimi 30 kún bolyp zańmen belgilengen. «Keıde kúrdeli obektiler de bolady. Ondaı jaǵdaıda, saraptama taǵaıyndaıtyn organnyń ruqsatymen zertteýdi ári qaraı jalǵastyramyz», - dep óz sózin túıindedi zerthana meńgerýshisi.
