Qazaqstandyq jýrnalıster áleýmettik jelide onlaın lektsııalar ótkizedi

NUR-SULTAN. QazAqparat - Koronavırýs pandemııasynan elde engizilgen karantın jaǵdaıynda qalǵan qazaqstandyq jýrnalıster áleýmettik jeliler arqyly óz bilimderin bólisti. Jýrnalısterdiń bilimin onlaın lektorııalarǵa biriktirgen — «Medıa damytý qory» korporatıvtik qory, dep habarlaıdy QazAqparat.

«Medıa damytý qory» korporatıvtik qory «Biz birgemiz» aktsııasynyń sheginde qazaqstandyq medıa sarapshylardyń, tanymal telejúrgizýshilerdiń jáne jýrnalısterdiń qatysýymen @media_foundation áleýmettik akkaýntynda onlaın-kezdesýler toptamasyn uıymdastyrdy. Atalmysh joba aǵymdaǵy jyldyń 30 naýryzynda bastaldy.

Onlaın kezdesýlerdiń spıkerleri - Informburo.kz bas redaktory Mıhaıl Dorofeev, jýrnalıst jáne medıatrener Ashat Erkimbaı, «Habar» telearnasynyń jýrnalısti jáne telejúrgizýshisi Aı̆gúl Adılova, «Habar» telearnasy baǵdarlamalardy óndirý bóliminiń bas redaktory Galına Alkeshova, «Qazaqstan» telearnasynyń tilshisi Ǵabıt Bókenbaı̆, «Habar 24» telearnasynyń tilshisi Ashat Nııazov, «Atameken Business» telearnasy «Mır.Itogı» baǵdarlamasynyń júrgizýshisi jáne prodıýseri Rýslan Idrısov.

Onlaın lektsııalardyń taqyryptary keń ári aktýaldy, sonyń ishinde óz-ózin oqshaýlaý kezinde qoldanylatyn faktchekıng quraldarynan bastap lokdaýn kezeńinde telearnalar men jańalyqtar redaktsııasynyń jumysyna deıin. Lektsııalar ınternet jelisinde kúndelikti saǵat 17.00-de tikeleı efır formatynda ótkiziledi.

Onlaın lektsııalar kestesi:

Galına Alkeshova - «Jýrnalıstıka v perıod karantına: kak proverıt ınformatsııý ı osnovnoı ınstrýment reportera», 2 sáýir.

Daýrjan Aýgambaı̆ - «5 effektıvnyh prıntsıpov v medıa», 3 sáýir.

Mıhaıl Dorofeev – «Rabota novostnyh redaktsıı̆ v novyh ýslovııah», 4 sáýir.

Ǵabıt Bókenbaı̆ - «Etno jýrnalıstıka: jańa zamańdaǵy jýrnalısterge jańa talaptar», 5 sáýir.

Ashat Erkımbaı̆ - «Faktchek quraldary», 6 sáýir.

Aı̆gýl Adılova – «Parketnaıa jýrnalıstıka», 7 sáýir.

Azamat Ábilqaıyr – «Respýblıkalyq telearnada qyzmet etý qanshalyqty qıyn?», 8 sáýir.

Ashat Nııazov - «Reportaj, kak janr vo vremıa karantına», 9 sáýir.

Rýslan Idrısov – «Kak vestı programmý v prıamom efıre v domashnıh ýslovııah?», 12 sáýir.

Eskere ketetin jaıt, «Atameken Business» telearnasy «Mır.Itogı» baǵdarlamasynyń prodıýseri jáne jýrnalıst Rýslan Idrısovtyń onlaın sabaǵyna qosylǵan tyńdarmandar televızııalyq jobany úıden tikeleı efırge qalaı shyǵarýǵa bolatyny týraly eksklıýzıvti keıstermen tanysatyn bolady. Budan erterek onlaın akkaýnttyń tikeleı efırinde «Habar» telearnasynyń jýrnalısti Zarına Ahmetjanova men «Habar 24» telearnasynyń telejúrgizýshisi Baýyrjan Baqytbekulymen kezdesýler ótkizilgen edi.

Uıymdastyrýshylardyń aıtýynsha, jobanyń aıaqtalý merzimi belgilenbegen soń, onlaın lektsııalardyń kestesi ózgeristerge ushyrap, jańartylyp turady.