Qazaqstandyq jýrnalıst Mıhaıl Dorofeev ómirden ozdy
NUR-SULTAN. QazAqparat – Informburo.kz aqparattyq-saraptamalyq ınternet portalynyń bas redaktory Mıhaıl Dorofeev qaıtys boldy, dep habarlaıdy QazAqparat.
Bul habardy Facebook-tegi «Qazaqstan jýrnalısteri» toby men Ulttyq qoǵamdyq senim keńesi rastady.
M. Dorofeev jýrnalıstıkadaǵy jolyn Atyraý oblysynda bastap, respýblıkalyq medıada – KTK telearnasynda, «Ekspress K», «Gorod» jáne «Megapolıs» gazetterinde (bas redaktordyń orynbasary) jalǵastyrǵan. Respýblıkalyq telearnalarda basshylyq qyzmetter atqardy, onyń ishinde «Astana q. televızııasy» JShS Bas dırektory jáne «Era» telekompanııasy» JShS bas prodıýseri bolyp jumys istegen. Ár jyldary «Portret nedelı» (KTK), «Formýla lıchnostı» (Qazaqstan, Astana-TV), «Tema» («Astana» telearnasy), «Otkrytyı dıalog» (Habar) televızııalyq baǵdarlamalarynyń júrgizýshisi boldy.
Mıhaılý Dorofeev nebári 49 jasta edi.
«QazAqparat» HAA marqumnyń otbasy men jaqyndaryna, áriptesterine kóńil aıtady. Bul otandyq jýrnalıstıka úshin úlken jáne aýyr qaza.
