Qazaqstandyq jumys berýshiler 5 myń stýdenttiń oqý aqysyn tóledi
Bul týraly «QazAqparat» tilshisine QR Bilim jáne ǵylym mınıstrliginiń baspasóz qyzmeti málim etti.
«Joǵary bilimniń qoljetimdiligin qamtamasyz etý maqsatynda QR Bilim jáne ǵylym mınıstrligi jáne joǵary bilim berý mekemeleri memlekettik-jekemenshik áriptestiktiń damýyna qatysty sharalardy júzege asyrýda. 2013-2014 oqý jylynda jumys berýshilerdiń tarapynan - 4,9 myń, túrli deńgeıdegi ákimdermen - 2,5 myń, rektorlarmen - 2,5 myń grant bólingen. Sonymen qatar áleýmettik turmysy tómen 19 myńnan astam stýdenttiń oqý tólemine jeńildikter jasaldy», - delingen mınıstrliktiń resmı jaýabynda.
QR BǴM-niń habarlaýynsha, jumys berýshilerdiń granttary negizinen Qazaqstannyń 2010-2014 jyldarǵa arnalǵan Údemeli ındýstrııalyq-ınnovatsııalyq damý memlekettik baǵdarlamasynyń aıasynda qajetti mamandyqtarǵa bólingen.
