Qazaqstandyq juldyzdar Astanadaǵy Amfıteatrda óner kórsetedi

ASTANA. QazAqparat - Esil ózeniniń jaǵalaýyndaǵy kórikti oryndardyń biri - Amfıteatr. Bıyl jazda Astana turǵyndary men qonaqtary elordamyzdyń 20 jyldyǵyna oraı osy alańda ótkiziletin kóptegen shoýlardy, súıikti artısteriniń, úrmeli aspaptar orkestrleriniń ónerin tamashalaı alady, dep habarlaıdy QazAqparat. 

Bul jer eresekter úshin de, balalar úshin de qyzyqty sharalar uıymdastyrylady. Atap aıtqanda, Amfıteatrda ınteraktıvti oıyndar, bı ujymdarynyń, jas ánshilerdiń jáne «Kel, shyrqaıyq balaqaı!» kollektsııasyn usynatyn modeldik agenttikterdiń qatysýymen balalarǵa arnalǵan oıyn-saýyq baǵdarlamalary uıymdastyrylady.

Amfıteatr sahnasynan 29 maýsym kúni keshke «Astanaǵa tartý» kontsertin tamashalaýǵa bolady. Ulttyq mýzykany baǵalaýshylar Qazaqstannyń aýmaǵynda ashylǵan bes dástúrli án mektebiniń úzdik 20 oryndaýshysynyń ónerin tamashalaıdy. 1 shildede kúndiz Atyraý oblysynyń ártisteri elordany quttyqtaıdy. Al keshke Amfıteatr alańynda «Bı shashý» gala-kontsertimen III «ShAShÝ» halyq bıi ansamblderiniń halyqaralyq festıvaliniń jabylýy ótedi. Shara QR halyq artısi, keńestik jáne qazaqstandyq balet artısi jáne baletmeıster Zaýyrbek Raıbaevty eske alýǵa arnalady.

3 shildede saǵat 17.00-de sahna tórinde «Serper» halyq aspaptary orkestrleriniń respýblıkalyq festıvaline qatysýshylar óner kórsetedi. Olardyń kontserti 4 jáne 5 shildede jalǵasyn tabady. Birneshe saǵattan keıin ıÝNESKO-nyń qamqorlyǵymen ótken «The planet of ART» halyqaralyq festıvaliniń jabylý saltanaty bolady.

 5 shildede keshke vengrııalyq «Kurazsi» etno-bı ansambli qala turǵyndaryna mýzykalyq tartý jasaıdy.

6 shildede kúndiz balalarǵa arnalǵan «Kel, shyrqaıyq, balaqaı!» kontserttik baǵdarlamasy ótkiziledi. Al keshke qala turǵyndary men qonaqtary otandyq estrada juldyzdarynyń qatysýymen ótetin úsh saǵattyq «Kesh jaryq, Astana!» mýzykalyq marafonyn tamashalaıdy.

7 shildede kishkentaı kórermenderdiń nazaryna «Sálem, Astana!» kontserti usynylady. Keshke Amfıteatr sahnasynda osy jazdyń eń jarqyn open-air kontsertteriniń biri - «ASTANA FM ON AIR»mýzykalyq festıvali ótedi. Qonaqtar elimizdiń Astana FM jáne Qazaq Radio radıolarynyń efırinen estilip júrgen hıt ánderdi oryndaıtyn úzdik ánshilerdiń ónerin tamashalaıdy. Atap aıtqanda, sharaǵa Marjan Arapbaeva, Dos, Adam, Gúlnur Orazymbetova, aǵaıyndy Júginisovter, Shahrızat Seıdahmet, «Dara», «Amadı» toptary jáne basqalary qatysady.

Kelesi kúni keshke, qazaqstandyq estrada ánshileri «Kesh jaryq, Astana!» atty kontsertti kópshilik nazaryna usynady.